web counter
LEXO PA REKLAMA!

SHKARKO APP

App Store
Google Play

E fundit!

x

“Dhëndrin e Trump-it e çova unë në Sazan”/ Auron Tare: Ka njerëz më të rëndësishëm se ai pas projektit

26 Mars 2024, 12:44, Aktualitet CNA
“Dhëndrin e Trump-it e çova unë në Sazan”/
Auron Tare

Auron Tare është shprehur se ka qenë i pari që e ka dërguar dhëndrin e Trump-it, Jared Kushner, dhe bashkëshorten e tij, Ivanka Trump, në Sazan.

Tare ka deklaruar se nuk ka lidhje me projektin dhe se çdo gjë e ka bërë pa pasur ndonjë interes personal.

"Pse erdhën këta njerëz dhe pse unë i çova, i ftova, sepse ata nuk e dinin fare ku binte Sazani, për hir të së vërtetës. Bile kam marrë disa telefonata nga njerëz që ishin shumë të revoltuar sepse mendonin se unë i kam çuar për një biznes privat dhe nuk e kuptoj që për të bërë diçka për të mirën e vendit tënd mund ta bësh edhe pa asnjë lloj interesi personal. Unë sot jam qytetar, jetoj në Amerikë, nuk kam lidhje fare me këtë projekt. As Rama nuk më ka thirrur e as ai nuk më ka thirrur për të marrë mendje. E kam bërë për vendin tim, sepse kam kaluar një pjesë të mirë të kohës atje për të kuptuar çfarë mund të bënim. Prandaj i thirrëm nëpërmjet një mikut tim dhe i thamë, ky ka qenë koncepti ynë, për të ruajtur gjithë ishullin, dhe për të ruajtur një lloj nuklusi investimi të fortë ku duhet të dini diçka, nuk është vetëm Kushneri aty mbrapa. Aty janë disa njerëz shumë të rëndësishëm, më të rëndësishëm se Kushneri vetë", tha Tare. 

Ndër të tjera ai tha se pas projektit fshihen njerëz shumë të rëndësishëm. Ai tha se nuk janë vetëm fonde arabe, por edhe fonde të tjera për projektin.

Tare tha se e mbron publikisht investimin dhe se ky projekt do të jetë një gjë e mirë për Shqipërinë dhe turizmin e Vlorës.

“Janë njerëz të financave botërore, të cilët janë pjesë e kësaj gjëje. Janë disa njerëz shumë të rëndësishëm. Nuk është vetëm fondi i arabëve, janë edhe fonde të tjera. Janë edhe njerëz të tjerë të përfshirë me qeveri të tjera e tjerë, e tjerë. Unë e mbroj publikisht investimin dhe nëse kjo ndodh do të jetë një gjë shumë e mirë për Shqipërinë dhe për turizmin e Vlorës.

Pra, nëse ne kemi mundësi të thërrasim këta lloj njerëzish, këto lloj markash si 'Amani', dhe këto lloj lidhjesh politike, sepse janë edhe investime politike. Nuk mund ta mohojmë që është lidhje politike dhe të kesh lidhje të nivelit kaq të lartë të financave botërore me këtë projekt, unë mendoj, mund të jem i gabuar, por mendoj që është shumë e rëndësishme dhe për këtë punë jam investuar dhe e them publikisht, e mbështes”, tha ai në një intervistë me Blendi Fevziun.

I pyetur nëse ka shanse të bëhet, Tare tha se “shpreson që po”, por është skeptik, pasi investimi është shumë i madh. Sa i përket qytezës në Sazan, Tare tha se pjesa më e madhe aty është bërë nga italianët, sovjetikët dhe kinezët./ CNA

 





Lajmet e fundit nga