web counter
LEXO PA REKLAMA!

SHKARKO APP

App Store
Google Play

E fundit!

x

Investime elektorale apo investime që shmangin shikimin e xhepit të të sëmurit/ Tritan Kalo ngre dyshime të forta

23 Tetor 2022, 10:06, Aktualitet CNA

Investime elektorale apo investime që shmangin shikimin e xhepit të

Doktor Tritan Kalo ka shtruar një sërë pikëpyetjesh në lidhje me investimet në sektorin e shëndetësisë që parashikohen në projektbuxhetin e vitit 2023.

Kalo është dyshues se janë thjesht premtime elektorale apo do të ketë investime reale.

“Optimizmi që të krijohet në një rast të tillë, si një mantelbardhë i panjolltë më bën të reflektoj edhe për arsyet e qëllimet e këtyre investimeve në vitin e 11-të të qeverisjes rilindase”, shkruan Kalo në rrjete sociale, duke  argumentuar dhe shtruar 5 pyetje.

Deklarata e plotë:

Në vitin e ardhshëm financiar 2023 parashihen investime madhore në shëndetësi, në vlera të pa ofruara më parë përgjatë këtyre 30 vitesh Demon-kraci këtij sektori jetëkujdesës e jetëshpëtues për të gjithë ne.

Optimizmi që të krijohet në një rast të tillë, si një mantelbardhë i panjolltë më bën të reflektojë edhe për arsyet e qëllimet e këtyre investimeve në vitin e 11-të të qeverisjes rilindase.

A lidhen këto investime thjesht për efekt elektoral lidhur me zgjedhjet e ardhëshme lokale të pranverës së vitit 2023, apo janë “preludi” i një kthese të mirëpritur e të mirëdëshirueshme në cilësimin e shëndetësisë publike, nisur edhe nga mësimet e nxjerra përgjatë menaxhimit të Pandemisë së Covid-19, të cilën fatmirësisht e kemi futur në “hullitë e endemicizimit të saj” si shumë infeksione të tjera?

A lidhen këto investime me pakësimin progresiv të “brain drain”, një dukuri bjerrëse e përkujdesdhënësve në shëndetësinë tonë, me pasoja afat shkurtëra, afat mesme dhe afatgjata për ecjen bashkëkohore në këtë sektor?

A lidhen këto investime me rritjen reale të pagave të përkujdesdhënësve, për të ulur shifrat e të larguarve nga shëndetësia publike dhe jo vetëm, për të rritur shkallën e mbrothësimit të tyre, për të rritur shkallën e mirëbesimit e mirëkuptimit reciprok midis të sëmurëve dhe stafit mjek-infermier-laborant-farmacist-teknicien, të cilët kujdesen për ta, për të shmangur njëherë e mirë “shikimin e xhepit të të sëmurëve” si një mundësi kompensimi të të ardhurave të munguara nga puna e tyre në këtë sektor?

A lidhen këto investime në vijimësinë e bashkëkohorizimin të infrastrukturës së pajisjeve diagnostikuese dhe të infrastrukturës hotelieristike në mjediset e ofrimit të përkujdesit mjeksor?

A lidhen vallë këto investime me përgatitjen për PPP-të e tjera në sektorin e shëndetësisë publike, sikundër ka ndodhur jo rrallëherë deri më sot. Ajo çka ndodhur deri më sot, sidomos në katër vitet e para të qeverisjes së kësaj mazhorance, më ysht të mbërrij në dyshimin e mësipërm?

A lidhen vallë këto investime me zgjidhjen më së fundmi të “nyjes gordiane” përsa i përket Sigurimit Shëndetsor Universal, pra të asaj që Karta ime e Shëndetit të jetë e barazvlerëshme edhe në Sektorin Privat të Shëndetësisë, nëse mua ose kujtdo prej nesh do t’a ketë të nevojshme t’i adresohet asaj?

Transparenca e plotë është i vetmi mjet për daravitjen e çdo mjegullnaje, përsa i përket qëllimeve të investimeve të ardhëshme në shëndetësinë Publike Shqiptare…

Të shpresojmë vetëm për të mirë….Together forever!!!/CNA.al

Investime elektorale apo investime që shmangin shikimin e xhepit të





Lajmet e fundit nga