web counter
LEXO PA REKLAMA!

SHKARKO APP

App Store
Google Play

E fundit!

x

Imuniteti i Ballukut/ Zbardhet mesazhi i Ballës për deputetët e PS, ja porosia  

11 Mars 2026, 22:19, Aktualitet CNA

Imuniteti i Ballukut/ Zbardhet mesazhi i Ballës për deputetët e

Kreu i grupit parlamentar të Partisë Socialiste, Taulant Balla, ka njoftuar deputetët socialistë për një mbledhje të grupit parlamentar që do të zhvillohet nesër në mëngjes, pak para nisjes së seancës plenare në Kuvend.

Përmes një mesazhi drejtuar deputetëve, Balla bën me dije se mbledhja do të mbahet në orën 09:00 në sallën e seancave të Parlamentit dhe u kërkon atyre të jenë të pranishëm. Në njoftim ai saktëson gjithashtu se hyrja në ambientet e Kuvendit do të bëhet nga krahu i Qendrës Tregtare Toptani.

“Mirëmbrëma. Siç ju njoftova në mbledhjen e Grupit, nesër ora 9:00 do të zhvillojmë një mbledhje Grupi në Sallën e Seancave në Parlament. Lutem merrni masa për pjesëmarrjen. Hyrja do të bëhet nga krahu i Qendrës Tregtare Toptani. Shihemi nesër”, thuhet në mesazhin e Ballës.

Mbledhja e grupit socialist zhvillohet në një moment kur në seancën plenare pritet të diskutohet çështja e imunitetit të ish-zëvendëskryeministres Belinda Balluku.

Nga ana tjetër, opozita ka paralajmëruar edhe një protestë jashtë Parlamentit gjatë zhvillimit të seancës./ CNA





Lajmet e fundit nga