E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

“Me Ramën po bëhemi vend që mbron korrupsionin me votë”/ Këlliçi, thirrje qytetarëve

11 Mars 2026, 20:50, Aktualitet CNA

“Me Ramën po bëhemi vend që mbron korrupsionin me

Deputeti i Partisë Demokratike, Belind Këlliçi ka bërë thirrje që qytetarët të mblidhen nesër në orën 10:00 para Parlamentit të Shqipërisë, për të shprehur kundërshtimin e tyre ndaj vendimit për t’i dhënë një “imunitet ekstra” Ramës dhe bashkëpunëtorëve të tij.

Sipas Këlliçit, mbledhja e nesërme nuk ka për qëllim të forcojë ligjet apo të përmirësojë drejtësinë, por synon të mbrojë qeveritarët nga pasojat e korrupsionit.

Ai paralajmëron se një veprim i tillë do të vendoste Shqipërinë në mesin e vendeve ku korrupsioni mbrohet me votë.

“Me Edi Ramën po bëhemi vend që mbron korrupsionin me votë, nesër në orën 10:00 duhet të dëgjohet zëri yt.

Teksa problemi më i madh që ka sot Shqipëria është korrupsioni qeveritar, Parlamenti nesër nuk po mblidhet për të bërë një reformë, për të ashpërsuar ligjet, për të lehtësuar drejtësinë, ku në këtë mënyrë do t’i shërbente interesit publik dhe do bënte të veten për të luftuar këtë fenomen.

Parlamenti do mblidhet nesër për të vendosur një imunitet ekstra, për të çimentuar me votë paprekshmërinë për Edi Ramën dhe bashkëpunëtorët e tij.

Nëse erdhem deri këtu, ku Shqipëria renditet në vendet më të korruptuara të botës, erdhëm falë Edi Ramës.

Po nesër, me votë do të futemi në një listë edhe më të shëmtuar. Të vendeve ku korrupsioni mbrohet me votë në Kuvend.

Me aktin e paralajmëruar dhe që nesër pritet ta zyrtarizojë, Edi Rama po tregon se nuk llogarit askënd e asgjë, as qytetarët, as drejtësinë, as partnerët, as integrimin e vendit, kur vjen puna për të shpëtuar nga drejtësia dhe fati që e pret.

Nëse i lihet atij në dorë, me të vërtetë nuk kemi parë asgjë akoma, pasi Shqipëria mund të bëjë hapa pas që as mund të imagjinohen. Në çdo veprim, Edi Rama po sfidon shoqërinë. Po vë në provë durimin e shqiptarëve.

Nesër është dita për t’i treguar se ai s’mund ta luajë vendin në këtë ruletë, thjesht e vetëm sepse është kapur në afera korruptive.

Bashkohemi në orën 10:00 para Parlamentit.

Vetëm ne mund ta ndalim Edi Ramën!”, deklaroi Këlliçi./ CNA