web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i Kushtetueses/ Zhupa: U vërtetua se mbyllja e "TikTok"-ut ishte akt elektoral kundër lirisë së shprehjes

11 Mars 2026, 15:33, Aktualitet CNA

Vendimi i Kushtetueses/ Zhupa: U vërtetua se mbyllja e

Deputetja e Partisë Demokratike, Ina Zhupa, ka reaguar lidhur me vendimin e Gjykatës Kushtetuese për mbylljen e platformës së “TikTok”-ut.

Në postimin e saj në rrjetet sociale, Zhupa shprehet se konstatimi i gjykatës se vendimi i qeverisë për mbylljen e "TikTok"-ut ka cenuar lirinë e shprehjes është një hap i rëndësishëm për mbrojtjen e demokracisë dhe të drejtave themelore.

Ndër të tjera shton se ky vendim konfirmon qëndrimin që ajo kishte shprehur më herët se mbyllja e platformës ishte një “akt i rëndë kundër lirisë së shprehjes dhe një veprim me motiv të pastër elektoral.”

Reagimi i plotë:

Vendimi i Gjykatës Kushtetuese konstatoi se ndërprerja e aksesit në platformën TikTok përbën kufizim të lirisë së shprehjes dhe të shtypit. Falenderoj Asociacionin e Gazetarëve dhe Rrjetit Investigativ BIRN që e dërgoi në mënyrë të pavaruar në gjykim kushtetues.

Konstatimi se vendimi i qeverisë për mbylljen e TikTok ka cenuar lirinë e shprehjes është një hap i rëndësishëm për mbrojtjen e demokracisë dhe të drejtave themelore.

Ky vendim konfirmon qartësisht qëndrimin tim të shprehur më herët: mbyllja e një rrjeti social si TikTok, vetëm sepse nuk kontrollohej dot nga pushteti, ishte një akt i rëndë kundër lirisë së shprehjes dhe një veprim me motiv të pastër elektoral.

Fushata elektorale duket se i trembi aq shumë sa u tentua censura dhe kufizimi i një platforme ku qytetarët shprehen lirshëm dhe ku propaganda nuk mund të kontrollohet me “report”, “shadowban” apo aplikacione propagandistike.

Qartësisht një mekanizëm i vërtetuar sot që ështe përdor për interesa elektorale duke mbyllur zërat kritikë ndaj qeverisë dhe duke ngushtësuar hapësirën e partive politike.

Vendimi i Gjykatës Kushtetuese është një rikujtesë e fortë se liria e shprehjes nuk mund të cenohet me vendime politike dhe se frika e pushtetit ka arritur niveli alarmante. /CNA





Lajmet e fundit nga