web counter
LEXO PA REKLAMA!

SHKARKO APP

E fundit!

x

Reforma Territoriale/ Nuk bien dakord, përplasje mes PS-PD

11 Mars 2026, 22:12, Aktualitet CNA

Reforma Territoriale/ Nuk bien dakord, përplasje mes PS-PD

Mazhoranca dhe opozita kanë shfaqur qëndrime të kundërta lidhur me ecurinë e Reformës Administrative gjatë mbledhjes së Komisionit të Posaçëm Parlamentar.

Debati është përqendruar te zhvillimi i dëgjesave dhe afatet për përfundimin e reformës, e cila synohet të finalizohet brenda muajit korrik.

Mazniku, deklaroi se nuk ka asnjë pengesë për të nisur menjëherë dëgjesat publike, duke theksuar se procesi po vonohet pa arsye.

“Nuk na pengon asgjë të nisim dëgjesat. Në vend që të kemi një agjendë konkrete, po shohim vetëm shtyrje,” u shpreh Mazniku.

Ndërsa Luçiano Boçi, kërkoi më shumë kohë për konsultime, duke theksuar se komunitetet duhet të dëgjohen para se të merret një vendim përfundimtar për reformën territoriale.

“Duhet të kemi një agjendë dhe takime pa trysni kohe. Duhet të jemi të ndershëm me komunitetet dhe të dëgjojmë mendimin e tyre,” tha Boçi.

Reforma Territoriale ka qenë prej kohësh një nga çështjet që ka krijuar tension politik në vend. Partia Socialiste ka propozuar uljen e numrit të bashkive, ndërsa Partia Demokratike ka kërkuar rritjen e tyre./ CNA





Lajmet e fundit nga