web counter
LEXO PA REKLAMA!

SHKARKO APP

App Store
Google Play

Grabitet me armë pika e këmbimit valutor në Tiranë

24 Qershor 2023, 09:42, Aktualitet CNA

Grabitet me armë pika e këmbimit valutor në Tiranë

Një grabitje me armë është regjistruar mëngjesin e sotëm në një pikë këmbimi valutor në zonën e Astirit në kryeqytet.

Mësohet se një person, i veshur me të zeza, ka hyrë i armatosur në pikën e këmbimit valutor dhe ka marrë një shumë të madhe parash.

Në pikën e këmbimit valutor kanë qenë dy punonjëse, të cilat janë detyruar që të hapnin sirtarët ku mbanin paratë, teksa autori ishte i maskuar dhe i armatosur. 

Autori është larguar nga vendi i ngjarjes me biçikletë.

Në vendngjarje ndodhen forca të shumta policie, ndërsa kanë nisur hetimet për identifikimin dhe arrestimin e autorit. 

Njoftimi i policisë:

Më datë 24.06.2023, rreth orës 08:25, në rrugën "Tom Plezha" në Unazë të Re, një person ende i paidentifikuar, i cili mbante një send të dyshuar si armë zjarri, është futur në një pikë për transferta parash dhe këmbimi valutor, ka marrë një shumë parash dhe është larguar me një biçikletë.

Grupi hetimor ndodhet në vendngjarje dhe po punon për identifikimin dhe kapjen e autorit. Shërbimet e Policisë kanë ngritur pika kontrolli dhe po krehin zonën, për të bërë të mundur kapjen e autorit.

 





Lajmet e fundit nga