LEXO PA REKLAMA!

SHKARKO APP

Gjykata jep masën 'arrest me burg' për Elmir Tufën/ Akuzohet për vrasjen e Shkëlzen Kastratit 

5 Nëntor 2023, 11:37, Aktualitet CNA

Gjykata jep masën 'arrest me burg' për Elmir Tufën/

Gjykata e Rrethit Gjyqësor Fier ka dhënë masën “arrest me burg” për Elmir Tufën. Ai akuzohet për vrasjen e Shkëlzen Kastratit.

Mbi Tufën rëndojnë veprat penale “Vrasja me paramendim”, e kryer në bashkëpunim dhe “Mbajtja pa leje dhe prodhim i armëve dhe i municioneve.

Forcat e Policisë Operacionale arrestuan të enjten 2 nëntor Elmir Tufën në Fushë-Krujë, nën akuzën për vrasjen e Kastratit në 1 shkurt të vitit 2021.

Kastrati u ekzekutua në rrethrrotullimin në hyrje të Fierit, teksa po vinte nga ky drejtim me automjetin e tij "Mercedez Benz".

Autorët po e ndiqnin me një automjet tip "Range Rover" dhe e qëlluan me armë.

Viktima humbi kontrollin e makinës dhe u përplas me një tjetër automjet në këtë rrugë, në të cilën ndodheshin babë e bijë, duke rrezikuar edhe jetën e tyre./ CNA

Lajmet e fundit nga