web counter
LEXO PA REKLAMA!

SHKARKO APP

App Store
Google Play

Furnizimi me ujë, ankimohen tenderët për përmirësimin e sistemit në Radhimë dhe Akërni

16 Korrik 2025, 14:43, Aktualitet CNA

Furnizimi me ujë, ankimohen tenderët për përmirësimin e

Dy procedura prokurimi të lidhura me linja të furnizimit me ujë janë ankimuar në Komisionin e Prokurimit Publik.

Njëra prej tyre lidhet me zonën turistike të Radhimës, ndërsa tjetra me Akërninë, të dyja të shpallura nga Ujësjellës-Kanalizime Vlorë sh.a.

Ankimi për këto procedura të hapura në muajin qershor duket se lidhet me fazën e vlerësimit nga ana e autoritetit kontraktor.

Në dokumentet e tenderit që shoqërojnë procedurat nuk jepen shumë detaje lidhur me ndikimin që kanë ato në numrin e familjeve që furnizojnë apo të bizneseve.

Dy procedurat kanë konkretisht në objekt “Linja e furnizimit me ujë në fshatin Akërni” dhe e dyta “Përmirësimi i sistemit të furnizimit me ujë në zonën e Radhimës”.

Ndërhyrjet sipas fondeve limite që kanë procedurat duket se janë minimale dhe afati i zbatimit të tyre është 30-ditor, por duket se ankimimet do ta zvarrisin edhe më shumë këtë procedurë, ndërkohë që për zona me përparësi turizmin furnizimi me ujë në mënyrë të vazhdueshme dhe cilësore është tepër i rëndësishëm.

Këtë vit për herë të parë furnizimi me ujë po shfaqet problematik në disa zona, kjo e nxitur nga arsye të ndryshme duke nisur nga investimet e nevojshme për përmirësime sigurie në diga e liqene e deri te mungesa e ujit për shkak të pamjaftueshmërisë së mbulimit me rrjet në zona që kanë shtim të numrit të turistëve.

Pak ditë më parë edhe Dhoma Amerikane e Tregtisë reagoi duke kërkuar më shumë reagim nga institucionet për të garantuar një mbarëvajtje të sezonit turistik.

Ndër të tjera Dhoma citonte se anëtarët e saj kishin raportuar problematika të ndryshme të lidhura me mungesën e ujit apo menaxhimin e mbetjeve./ Revista Monitor 





Lajmet e fundit nga