web counter
LEXO PA REKLAMA!

SHKARKO APP

App Store
Google Play

E fundit!

x

“Fole grerëzash”/ Ish-drejtuesi i policisë: Kolegët vidhnin sa ktheja shpinën, paratë ndaheshin

26 Nëntor 2023, 09:51, Aktualitet CNA
“Fole grerëzash”/ Ish-drejtuesi i policisë: Kolegët
Krenar Ahmeti

Ish-drejtuesi i Lartë i Policisë së Shtetit, Krenar Ahmeti, teksa fliste lidhur me daljen e bisedave të SKY ku janë përfshirë edhe punonjës policie, tregoi dhe eksperiencën e tij si drejtues i lartë i policisë.

Në një intervistë për "Euronews" ai tregoi se policët vidhnin sapo kthente shpinën.

Madje ai foli për momentin kur ka marrë një detyrë të re dhe ku i thanë se në vendin ku do të punonte vidheshin 250 milionë lekë të vjetër në muaj dhe thotë se mund të ketë parandaluar 1 milion euro të vidhen.

“Ndërmjet nesh ne thoshim që Ministria e Brendshme është 'fole grerëzash'. Ne më shumë i ruheshim njëri-tjetrit sesa kriminelëve. Informacioni është pushteti i 5-të dhe ai që e posedon ka fuqi. Në momentin që unë ia thashë shefit ia kalova atij fuqinë. Ne kishim frikë se dekonspiroheshim. Ne e dinim kush vjedh. Unë kam qenë shef komisariati. Unë e dija që policët më vidhnin sa ktheja shpinën m’u në postbllok. Më thuaj me çfarë do luftoja? Ama shembulli isha vetë, bukë e sherbet te shtëpia.

 Por një ditë peshorja nuk e peshon veten se mund të kem bërë dhe gabime. Por sot jam pensionist para kohe dhe marr pensionin e kolonelit. Gjatë një emërimi në X vend më thanë do shkosh dhe do marrësh këtë detyrë dhe ki parasysh se aty vidhen 250 milionë lekë të vjetër në muaj. Do vesh të godasësh në bazë të ligjit. Në vit i thonë 2 milionë euro, ore unë mund të kem parandaluar 1 milion të vidhen. Paratë më pas do të ndahen, u kalojnë të gjithëve”, tha Ahmeti./ CNA





Lajmet e fundit nga