E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

“Ermal Beqiri ka shantazhuar strukturën drejtuese të AKSHI-t”/ Meksi: Ka tentakula kudo ku ka të dhëna informatike

18 Maj 2026, 21:38, Aktualitet CNA

“Ermal Beqiri ka shantazhuar strukturën drejtuese të

Biznesmeni Endri Meksi ka folur për denoncimet në lidhje me dosjen e AKSHI-t, Ergys Agasin dhe Ermal Beqirin.

I ftuar në emisionin "Të Paekspozuarit" me Ylli Rakipin, Meksi tha se ka pasur një mashtrim dhe një dezinformim të madh tek AKSHI, duke theksuar se ka pasur abuzim me pushtetin.

Më tej ai është shprehur se Ergys Agasi dhe Ermal Beqiri kanë abuzuar, por sipas Meksit, Beqiri edhe ka shantazhuar pjesën e strukturës së AKSHI-t.

Biznesmeni u shpreh se, me aksesin që akumuloi vite të tëra rresht pranë AKSHI-t ai me një sërë IT që ka pasur në dispozicion që nga 2019 ai ka shantazhuar strukturën drejtuese të AKSHI mbi dëme që kanë bërë më parë.

Meksi deklaroi se Ermal Beqiri ka shtuar tentakulat e tij për të ushtruar pushtet në çdo vend paralel ku ka pasur të dhëna informatike.

“Ka pasur një mashtrim dhe dezinformim të madh ka pasur abuzim me pushtetin.

Unë gjykoj se Ergys Agasi dhe Ermal Beqiri kanë abuzuar por jo vetëm kaq Ermal Beqiri dhe ka shantazhuar pjesën e strukturës së AKSHI-t.

Me aksesin që akumuloi vite të tëra rresht pranë AKSHI-t ai me një sërë IT që ka pasur në dispozicion që nga 2019 ai ka shantazhuar strukturën drejtuese të AKSHI mbi dëme që kanë bërë më parë. Ergys Agasi ka hyrë më vonë në lojë si person me lidhje politike dhe akses në qarqe paksa jo të zakonta.

Struktura ekzistuese e AKSHI-t ka qenë e heshtur. Rasti që e lidh me bastet i nëntorit 2025 e kam përcjell në SPAK informacionin që disponoj.

Në sytë e mi ka qenë e qartë që tentakulat e tij për të ushtruar pushtet paralel në çdo vend ku kishte të dhëna informatike janë të dukshme. Sa shumë e ka bërë do duhen hetime”, tha Meksi.

Sa i përket kërcënimeve, Meksi tha se ka denoncuar në polici çdo rast dhe se ato vijnë nga aktorët e historive që po ndjekin për aferat.

“I kam denoncuar për shkak se kam qenë i bindur se kanë qenë për të hequr vëmendjen dhe për të kompleksuar. Nuk kam përmendur kurrë emra pasi nuk kam asnjë bindje dhe as prova.

Kush qëndron pas, janë këta aktorët e historive që po ndjekim për të krijuar disiluzionin mbi tentativat tona për të raportuar si media këtë aferë”, tha Meksi./ CNA