web counter
LEXO PA REKLAMA!

SHKARKO APP

App Store
Google Play

E fundit!

x

“E pësojnë qytetarët jo pushtetarët”/ Harta e re gjyqësore, Kalaja: Në 2023-shin po shqyrtohen dosjet e vitit 2016

3 Shkurt 2023, 10:59, Aktualitet CNA

“E pësojnë qytetarët jo pushtetarët”/ Harta e re
Kryetarja e Komisionit të Apelimit, Adriana Kalaja, në një deklaratë për mediat ka reaguar lidhur me situatën e dosjeve në Gjyatën e Apelit, pas hartës së re gjyqësore.

Kalaja deklaron se puna duhet të fillonte, por kjo ndodh vetëm në letër pasi ende jo vetëm që nuk janë transferuar dosjet, por as nuk janë emëruar 78 gjyqtarët sipas parashikimit ligjor.

“Me nje trupë prej 25 gjyqtarësh aktualisht në Gjykatën e Apelit, priten të shqyrtohen 32 mijë dosje duke e çuar në maksimum afatin e gjykimit. Aktualisht jemi në vitin 2023, por gjykata po shqyrton dosjet e vitit 2016,” shtoi Kalaja.

Adriana Kalaja paralajmëron se të njëjtin fat do ketë edhe dosja që mban pend PD-në, vendimi i gjyqtarit Zhukri, i cili sipas saj nuk regjistrohet në regjistrin e partive politike me porosi të Edi Ramës.

Me hartën e re gjyqësore, Kalaja shkruan se ata që e pësojnë janë qytetarët dhe jo pushtetarët.

DEKLARATË E KRYETARES SË KOMISIONIT TË APELIMIT, ADRIANA KALAJA

Sipas hartes se re gjyqesore, miratuar nga KLGJ dhe Keshilli i Ministrave, duhet te fillonte puna ne Gjykaten e Apelit-Tirane, me juridiksion te pergjithshem, duke zëvendësuar gjykatat e apelit në rrethe.

Kjo ndodh vetëm në letër. Ende nuk jane transferuar dosjet dhe nuk jane emeruar 78 gjyqtaret, sipas parashikimit ligjor.

Me nje trupë prej 25 gjyqtaresh aktualisht ne Gjykaten e Apelit, priten te shqyrtohen 32 mije dosje duke e çuar ne maximum afatin e gjykimit. Aktualisht jemi në vitin 2023, por gjykata po shqyrton dosjet e vitit 2016.

Çeshtjet qe sot jane stok ne Apel, pa llogaritur prurjet nga apelet në rrethe qe u mbyllën, do rihidhen ne short, duke bere keshtu qe te rriten afatet e gjykimit te ketyre çeshtjeve.

Te njejtin fat do kete dhe dosja që mban peng Partinë Demokratike, vendimi i gjyqtarit Zhukri, i cili nuk regjistrohet në regjistrin e partive politike me porosi të Edi Ramës.

Kjo dosje po mbush vitin dhe zvarritet me urdhër politik që nga muaji prill 2022, nderkohe qe dispozita ligjore parashikon gjykim brenda 30 ditesh.

Gjykatat e Apelit në të gjithë Shqipërinë janë mbyllur me një vendim arbitrar dhe të pamenduar, pavarësisht rezistencës së qytetarëve e profesionistëve të fushës.

Kjo do të thotë një mal të papërballueshëm me dosje në Tiranë dhe një kalvar më të zgjatur të qytetarëve në dyert e gjykatave.

Shërbimin që merrnin në qytetetet e tyre, qytetarëve do tu duhet tani të nisen nga Kukësi, Saranda, Korça apo Shkodra, për të ardhur dhe kërkuar sporteleve dhe burokracive në Tiranë.

Kjo do të thotë kosto, stres, vajtje-ardhje të pambarimta, por ka gjasa edhe trajtim si qytetarë të dorës së dytë.

Partia Demokratike e ka denocuar që më 20 qershor këtë nismë që i heq aksesin publikut në sistemin gjyqesor, dhe shtyn afatet e gjykimit jashte normave te parashikuara ne dispozitat ligjore.

Po keshtu, mbyllja e gjykatave te apelit ne rrethe, së pari shkel te drejtat e lirite e njeriut lidhur me aksesin ne gjykate.

Së dyti shtimi i dosjeve per gjyqtar ul cilesine e gjykimit.

Së treti krijohen probleme me transportin e te arrestuarve që vijnë për masë nga rrethet drejt Tiranes.

Ka filluar që tani kolapsi i kësaj metode pa metodë që Rama e quan reformë. E pësojnë qytetarët jo pushtetarët.

Qytetarët tani kanë shërbime më pak afër tyre, rrugë më shumë për të bërë dhe para më shumë për të shpenzuar.

Të shtunën më 11 shkurt ora 12.00 le të bashkohemi para kryeministrisë për t’i thënë Mjaft kësaj shtypjeje që vjen nga sfilitja e qytetarit.





Lajmet e fundit nga