web counter
LEXO PA REKLAMA!

SHKARKO APP

App Store
Google Play

E fundit!

x

Drejtoresha e SHISH vizitë zyrtare në Bruksel/ Hyseni takohet me Rutte, në fokus siguria kolektive

24 Shtator 2025, 17:19, Aktualitet CNA

Drejtoresha e SHISH vizitë zyrtare në Bruksel/ Hyseni takohet me

Drejtoresha e SHISH, Vlora Hyseni gjatë vizitës në Bruksel zhvilloi një takim zyrtar me Sekretarin e Përgjithshëm të NATO-s, Mark Rutte, në Bruksel.

Në takim u diskutua rëndësia e forcimit të bashkëpunimit të agjencive të vendeve partnere, në kuadër të sigurisë kolektive.

Hyseni theksoi në takim përkushtimin e institucionit që drejton për të mbështetur Aleancën përmes shkëmbimit të informacionit.

Nga ana tjetër Rutte vlerësoi rolin e Shqipërisë në NATO.

 

"Më 23 shtator 2025, Drejtoresha e Shërbimit Informativ të Shtetit, znj. Vlora Hyseni, zhvilloi një vizitë zyrtare në selinë e NATO-s në Bruksel, ku u prit nga Sekretari i Përgjithshëm i Aleancës, z. Mark Rutte.

 

Gjatë takimit u diskutua mbi rëndësinë e rritjes së shkëmbimit të ndërsjellë dhe forcimit të bashkëpunimit të agjencive të vendeve partnere, në kuadër të sigurisë kolektive, në një kohë kur Aleanca po përballet me sfida të shumta gjeopolitike dhe kërcënime të natyrës hibride e taktike. Sekretari i Përgjithshëm Rutte vlerësoi rolin konstruktiv të Shqipërisë brenda NATO-s dhe kontributin e Shërbimit Informativ të Shtetit në forcimin e bashkëpunimit në fushën e inteligjencës dhe sigurisë.

 

Nga ana e saj, znj. Hyseni nënvizoi përkushtimin e SHISH për të mbështetur misionin e Aleancës, duke theksuar rëndësinë e shkëmbimit të informacionit dhe koordinimit mes agjencive partnere, si pjesë e përgjegjësive që Shqipëria ka marrë përsipër si vend anëtar i NATO-s që prej vitit 2009.

 

Takimi u zhvillua në një moment delikat për sigurinë euroatlantike, kur pritet intensifikimi i bashkëpunimit mes NATO-s dhe agjencive të inteligjencës së vendeve anëtare, me synimin për të parandaluar dhe adresuar kërcënimet ndaj stabilitetit rajonal dhe ndërkombëtar", thuhet në njoftimin zyrtar të SHISH./CNA

 





Lajmet e fundit nga