web counter
LEXO PA REKLAMA!

SHKARKO APP

App Store
Google Play

E fundit!

x

“Vdekja e Llazar Fundos ishte tragjike”/ Gazetari Elvi Fundo: U tërhoq zvarrë 40 kilometra, ja çfarë shkruante në letër

23 Shtator 2025, 23:35, Aktualitet CNA

“Vdekja e Llazar Fundos ishte tragjike”/ Gazetari Elvi Fundo: U

Gazetari Elvi Fundo bashkë me gazetarin Blendi Fevziu ka kryer një reportazh në ishullin e Ventotenes ku u internua figura e shquar Llazar Fundo.

Gazetari ka zbuluar më shumë detaje duke thënë se vdekja e tij ishte tragjike pasi është tërhequr zvarrë rreth 40 kilometra në Kolesjan të Kukësit.

Ai ka zbuluar se në një letët të shkruar nga Zai Fundo shkruante “nuk mund të gënjejë për të shpëtuar kryet”.

Më tej, gazetari Elvi Fundo tha se Llazar Fundo i shpëtoi Stalinit, fashizmit dhe Gjermanisë naziste dhe u vra nga komunistët.

“Vdekja ka qenë tragjike, është tërhequr zvarrë rreth 40 kilometra në Kolesian të Kukësit.

Në një letër thotë se nuk mund të gënjejë për të shpëtuar kryet. I shpëtoi Stalinit, fashizmit dhe Gjermanisë naziste dhe u vra nga komunistët.

Ka shpëtuar nga katakombet dhe ka shkuar në Mongoli e më pas nga Mongolia doli në Austri.

U pushkatua dy muaj pa mbaruar lufta në shtator 1944.

Është vërtetuar se ka qenë një nga kontribuesit kryesorë të Manifestit të Ventotenes, përkthente pasi ishte polyglot.

Zai Fundon Stalini e njihte sepse ishte anëtar i Kominternit, nga të paktët shqiptarë pjesë e Internacionales”, tha Fundo.

Për gazetarin Fundo ky ishte një nga udhëtimet më të rëndësishme të jetës së tij. Ai theksoi se në atë kohë u hodhën themelet e BE , për atë që ne sot luftojmë.

“Ka qenë një nga udhëtimet më të rëndësishme të jetës sime. Në atë kohë janë hedhur themelet e BE asaj që sot ne luftojmë”, tha Fundo./ CNA





Lajmet e fundit nga