web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi i PL-së së Metës/ “Disa fshatra të Korçës probleme me ujin e pijshëm, thirrja për bashkinë”

25 Qershor 2023, 12:42, Aktualitet CNA

Denoncimi i PL-së së Metës/ “Disa fshatra të

Anëtarja e Kryesisë së Partisë së Lirisë, Ismeralda Seidolli, në një deklaratë për mediat ka denoncuar se në disa fshatra të Korçës ka problematika shumë serioze me ujin e pijshëm.

Sipas anëtares së Kryesisë, banorët e Beloratsë, Dërsnikut, Shamollit dhe pjesa më e madhe e fshatrave të njësisë administrative Vithkuq vuajnë mungesën e ujit të pijshëm për shkak të neglizhencës dhe papërgjegjshmërisë së institucioneve vendore.

Më tej ajo ka deklaruar se infrastruktura e furnizimit me ujë të pijshëm në shumë nga këto fshatra nuk është në kushtet e duhura dhe mirëmbajtja e sistemit të ujësjellësit nuk ekziston si shërbim.

Gjithashtu thekson se përveç furnizimit të ujit me orare të kufizuara ajo çka shkakton më shumë banorët, është uji me baltë dhe mbetje që vjen në rubinetat e tyre jashtë çdo kushti higjienosanitar.

PL-ja i ka bërë thirrje Bashkisë Korçë të trajtojë këtë problem me seriozitet dhe të ndërhyjë për zgjidhjen e tij menjëherë duke marë masat e nevojshme për furnizim 24 orë me ujë të pijshëm.

“Jam në këtë deklaratë për mediat për të ndarë disa nga problematikat e ujit të pijshëm në disa nga fshatrat e zonës së Korçës.

Sikurse dihet uji është një element jetik për shëndetin dhe përditshmërinë tonë. Por, fatkeqësisht edhe në vitin 2023, banorët e disa fshatrave në zonën e Korçës vazhdojnë të përballen me një sfidë të madhe në furnizimin me ujë të pijshëm.

Banorët e Beloratsë, Dërsnikut, Shamollit dhe pjesa më e madhe e fshatrave të njësisë administrative Vithkuq vuajnë mungesën e ujit të pijshëm për shkak të neglizhencës dhe papërgjegjshmërisë të institucioneve vendore.

Infrastruktura e furnizimit me ujë të pijshëm në shumë nga këto fshatra nuk është në kushtet e duhura dhe mirëmbajtja e sistemit të ujësjellësit nuk ekziston si shërbim.

Mungesa e ujit ka detyruar një pjesë të banorëve t'i drejtohen burimeve më të afërta për të mbushur ujë dhe një pjesë tjetër detyrohen ta blenë megjithëse kjo kosto rëndon në xhepat e tyre.

Përveç furnizimit të ujit me orare të kufizuara ajo çka shqetëson më shumë banorët, është uji me baltë dhe mbetje që vjen në rubinetat e tyre jashtë çdo kushti higjienosanitar.

Prandaj i bëj thirrje Bashkisë Korçë të trajtojë këtë problem me seriozitet dhe të ndërhyjë për zgjidhjen e tij menjëherë duke marrë masat e nevojshme për furnizim 24 orë me ujë të pijshëm.

I bëj thirrje instancave përkatëse të marrin masat e nevojshme për ndërtimin dhe rikonstruksionin e sistemit të furnizmit me ujë të pijshëm, filtrimin dhe monitorimin e cilësisë të ujit, në mënyrë që kalvari i gjatë i vuajtjeve nga mungesa e ujit të pijshëm për banorët e këtyre fshatrave të marrë fund”, ka thënë ajo./ CNA





Lajmet e fundit nga