web counter
LEXO PA REKLAMA!

SHKARKO APP

App Store
Google Play

E fundit!

x

Debate në Komisionin Hetimor të Shëndetësisë/ Vokshi "përplaset" me Ndrecën

8 Tetor 2024, 11:59, Aktualitet CNA
Debate në Komisionin Hetimor të Shëndetësisë/ Vokshi
Foto nga mbledhja

Komisioni Hetimor për Koncesionet në Shëndetësi është shoqëruar me debate të ashpra mes nënkryetarit Plarent Ndreca dhe kryetares Albana Vokshi.

Shkak është bërë prezenca e Gardës së Republikës në sallë, të cilën Vokshi e cilësoi si provokim.

“Do t'i kërkoja kryesisë së vogël të komisionit dhe anëtarëve të mos vijojnë më provokimet. Po kërkoni të uzurponi komisionin, të minoni hetimet. Mos provokoni më gardën te dera që nuk lejojnë deputetet e opozitës të hyjnë në Kuvend. Kush është punonjësi i gardës që nuk lejon përfaqësuesin e popullit të hyjë në komision", u shpreh ajo.

Nga ana tjetër, Ndreca tha se ai nuk ka asnjë kompetencë që të thërrasë Gardën që të ndalojë deputetët që të hyjnë në seancë.

“Garda nuk është thirrur nga ne, se ku rri garda nuk na merr ne leje. Unë nuk kam lëshuar asnjë urdhër për gardën, nuk kam asnjë kompetencë që të them se ku duhet që të rrijë garda”, deklaroi socialisti.

Debati vijoi edhe më tej. Deputetët e PD-së përplasën sende në tavolina duke krijuar zhurmë dhe socialistët u larguan nga mbledhja.

Pjesë nga debati:

Ndreca: E mira është që të qetësoheni sepse jeni të karikuar për luftë. Nëse doni të bëni rrugaçin kjo është gjë tjetër.

Vokshi: Kujdes me fjalorin, si nuk të vjen turp, po flet me fjalor rruge.

Ndreca: Sa herë të gënjeni do t'ju themi prapë.

Ndreca: Po më bënë presion, pa bërë presion s'të njoh fare. Ti t'i bësh presion mazhorancës s'ka shanse, më lini të flas.

Vokshi: Nuk flet këtu dot me fjalor rruge.

Ndreca: Është shqipe e pastër.

Vokshi: Ik shko dil në rrugë, shko tregoje aty te PS-ja këtë fjalor.

Ndreca: Më lini të flas, me dhunë nuk fitoni gjë, ose jeni te molotovi ose te Kushtetuta, nëse keni ardhur të hidhni molotov në komision, harrojeni./ CNA





Lajmet e fundit nga