web counter
LEXO PA REKLAMA!

SHKARKO APP

Bushati: Athina zyrtare, hipokrite në raport me Shqipërinë

29 Tetor 2024, 22:52, Aktualitet CNA
Bushati: Athina zyrtare, hipokrite në raport me Shqipërinë
Analisti Andi Bushati

Analisti Andi Bushati shprehu rezerva për raportin e Greqisë me Shqipërinë, sa i përket çështjes së Fredi Belerit.

Bushati tha se Athina zyrtare është hipokrite në raport me Shqipërinë.

Ai përmendi presionet e Greqisë me veton gjatë kohës që Beleri ndodhej në burg dhe mospërmendjen e saj pas lirimit të Belerit.

“Nuk jam dakord me Belerin si njeri i zgjedhur, si eurodeputet që ka shuar atje me votat e grekëve. Ka hipokrizi të Athinës zyrtare në raport me Shqipërinë. Po marrë shembullin e fundit, veton që përmendi Beleri.

Sa kohë që Beleri ishte i burgosur politik, Athina thoshte do vëmë veto. U gjet një makinacion. Beleri nga burgu i Shqipërisë shkoi në Bruksel dhe veto avulloi.

Unë si qytetar i Shqipërisë që kam denoncuar procesin politik ndaj Belerit nuk e kam bërë këtë për të zgjidhur fatin personal të Alfred Belerit, por se më dhimbsej demokracia e vendit tim, se të njëjtin fat mund ta kisha unë, edhe ju pas një viti.

Hipokrizia e Athinës është pikërisht kjo, që për sa kohë  shpëtuam fatin personal të një personi edhe vetoja që ka lidhje me ecurinë e demokracisë në Shqipëri bie”, theksoi analisti./ CNA





Lajmet e fundit nga