web counter
LEXO PA REKLAMA!

SHKARKO APP

App Store
Google Play

Bisedat në "SKY ECC"/ Artan Hoxha: Janë nxjerrë nga konteksti

2 Dhjetor 2024, 22:08, Aktualitet CNA
Bisedat në "SKY ECC"/ Artan Hoxha: Janë nxjerrë nga
Gazetari Artan Hoxha 

Gazetari Artan Hoxha u pyet mbrëmjen e sotme nëse ka zbatuar agjendën e Suel Çelës për foton e Ardjan Çapjas me kryeministrin Edi Rama, të cilën e publikoi në 6 shkurt 2020, në emisionin “Opinion”.

Hoxha tha në një dalje televizive se bisedat e “SKY ECC” janë nxjerrë nga konteksti në mënyrë të qëllimshme.

“I kanë bërë qëllimisht të duken ashtu. Ajo foto, që kam publikuar unë është në 6 shkurt 2020. Operacioni ka filluar në 3 shkurt. Ishte operacion makiazhi, për të treguar që qeveria nuk kishte lidhje me krimin. Paraja e krimit dhe asetet u legalizuan. E di sa probleme do të kenë? Gjyqtarët, prokurorët, që i kanë çertifikuar. Nga e dija unë? E kisha informacionin. Dija që ishte fallco. Kjo foto, ka qenë publike, ka qenë në ‘Instagram’. Unë jam marrë me klanin Çapja, nga viti 2005, nuk jam marrë sot. Në 2005, ai Sueli që thonë këta nuk e di ku lunate. Strumbullari i të gjithë grupeve në Elbasan janë Capjat, kanë sunduar për dy dekada, pa asnjë diskutim. Kanë vrarë oficerë policie. Shefin e qarkullimit të Elbasanit. Kanë vrarë shoqëruesin e Edmond Kosenit”, u shpreh ai.

Gazetari tha se foton e ka marrë nga faqja e hotelit të Çapjave në “Instagram”.

“Në momentin që mua më çojnë se kam sulmuar kryeministrin… Po bëhem unë shembulli që nga nesër e tutje, te dera e SPAK-ut do të kesh vetëm mikrofonë dhe kamera, nuk do të guxojë njeri që të merret me ‘SKY ECC’. Fotoja u shfaq në ‘Instagram’ në vitin 2017, kur ishin zgjedhjet në vitin 2017. A e dinte Rama se i kujt ishte hoteli? Po patjetër e dinte. Pse e nxora? Sepse e gjithë historia është nxjerrë nga konteksti. Unë e kam nxjerrë në fillim te OFL, për të treguar se është opreacion makiazhi, që synon të legalizojë asetet e krimit të organizuar”, theksoi Artan Hoxha./ CNA





Lajmet e fundit nga