web counter
LEXO PA REKLAMA!

SHKARKO APP

App Store
Google Play

E fundit!

x

Basha rekurs në Gjykatën e Lartë/ Gjokutaj: 3 veprimet e një mercenari të pafytyrë

23 Korrik 2024, 22:36, Aktualitet CNA
Basha rekurs në Gjykatën e Lartë/ Gjokutaj: 3 veprimet e një
Genc Gjokutaj

Avokati Genc Gjokutaj ka reaguar pas rekursit të bërë nga Lulzim Basha në Gjykatën e Lartë për vulën e PD-së.

Sipas Gjokutaj ky është veprim i një mercenari të pafytyrë, është një bllof nga ana juridike, është turp nga ana morale dhe lëvizje djallëzore nga ana taktike.

“Lulzim Basha ose siç njihet në rrethet e politikës si Lul Brava ka deklaruar se ndaj vendimit të Gjykatës së Apelit të Juridiksionit të Përgjithshëm që njohu si zyrtare dhe reale Kuvendin e Rithemelimit dhe vendimet e tij do të ushtrojë Rekurs në Gjykatën e Lartë!

Ky veprim i këtij mercenari të pafytyrë është një 1. bllof nga ana juridike, 2. turp nga ana morale dhe 3. lëvizje djallëzore nga ana taktike!

1. Është bllof juridik pasi Gjykata e Lartë së cilës do ti drejtohet Luli me Rekurs e ka ezauruar këtë çështje me rastin e prishjes së vendimit të Gjykatës së Apelit dhe kthimin po në Apel por me një tjetër trup gjykues! Gjykata e Lartë në vendimin e saj ka gjykuar dhe në fund ka konkluduar se zgjidhja e çështjes varet nga legjitimimi ose jo i ankuesit në shkallën e parë që ishte fund e krye antiligjor! Në këtë vështrim Gjykata e Larte duke konstatuar se vendimi i Gjykatës së Apelit i ankimuar tashmë nga Rithemelimi nuk i ka hyrë shqyrtimit të legjitimimit të ankuesit e për pasojë e ka lënë konfliktin të pagjykuar dhe për pasojë të pa zgjidhur e ka prishur çështjen dhe e ka kthyer për rigjykim pikërisht me detyrën që gjykata e rigjykimit të Apelit ta zgjidhte në mënyrë shteruese dhe përfundimtare! Të mos harrojmë që detyrat e Gjykatës së Lartë për gjykatën e rigjykimit (Gjykata e Apelit) janë obliguese për të!

Gjykata e Apelit në rigjykim në zbatim të detyrës së Gjykatës së Lartë konstatoi dhe vendosi pushimin e gjykimit në Gjykaten e Apelit pasi ankuesi (Basha + Alibeaj) nuk legjitimohej dhe nuk e gëzonte këtë tagër!

Vajtja e Lul Bravës përsëri në Gjykatën e Lartë është një përpjekje boshe pasi në këtë rast çështja është zgjidhur nga detyrat e vëna nga Gjykata e Lartë dhe të zbatuara nga Gjykata e Apelit të rigjykimit! Prandaj edhe Rekursi i Bashës është i paparanueshëm pasi janë ezauruar të gjitha versionet vendimmarrëse dhe është tërësisht pa objekt!

2. Vendimi per te bere Rekurs eshte ne vetvete edhe nje turp nga ana morale perballe vendimmarrjes se anetaresise se Demokrateve te cilet ne nje shumice absolute votuan per Sali Berishen dhe Rithemelimin rezultat te cilin as Alibashet vete nuk e kontestuan ne themel por qe e ankimuan ne menyre te kunderligjshme fale nje vendimi gjyqesor korruptiv te Gjykates se Shkalles se Pare!

Ky ankim ka patur si qellim asgjesimin e PD se vertete si subjekt politik dhe si pasoje demtimin e saj ne garat elektorale si nje Parti jo zyrtare. Ankimi i paligjshem i Alibasheve ka mundesuar hapjen e rruges per vijimin e pushtetit te Rames i cili ishte jetik me investimin e tij dhe mbajtjen ne loje te grupimit renegat te vete quajtur demokrat!

Vete berja e Rekursit kur çeshtja eshte zgjidhur perfundimisht eshte moralisht e turpshme sa kohe qe Rekursbërësit e dine sakte te verteten!

3. Taktikisht Rekursi i Alibasheve eshte  nje levizje shume djallezore pasi duke qene koshiente per fundin e tij kerkojne se pari te perçajne demokratet me shpresen e rreme se do të rimarrin vulen dhe logon dhe se dyti te ndihmojne Ramen dhe banden e tij ne zgjedhjet e vitit 2025!

Ky qendrim djallezor ne dem te Demokracise dhe te fatit te Shqiptareve meriton nje denim te shumefishte dhe shume te ashper ne perpjestim te drejte me demin e shkaktuar!”, shkruan Genc Gjokutaj./ CNA





Lajmet e fundit nga