web counter
LEXO PA REKLAMA!

SHKARKO APP

App Store
Google Play

E fundit!

x

“Avokati nuk e ka lexuar dosjen”/ Beqaj, për "Sterilizimin": Nuk jam vetëm unë në çështje

21 Maj 2025, 14:01, Aktualitet CNA

“Avokati nuk e ka lexuar dosjen”/ Beqaj, për

Ish-ministri i Shëndetësisë, Ilir Beqaj, ka reaguar publikisht lidhur me zhvillimet në çështjen “Sterilizimi”. Beqaj shprehu pretendimin se kjo nuk është një çështje që ka të bëjë direkt me koncesionin e sterilizimit, teksa tha se çështja është vetëm një nga gjashtë komponentët e kontratës.

Beqaj ndau pretendime edhe sa i përket mënyrës se si po prezantohet kjo dosje, duke thënë se në këtë çështje janë edhe persona të tjerë.

Beqaj u shpreh se mbrojtja ligjore nuk është kryer nga avokati që ai vetë kërkoi, por nga një avokat i caktuar nga gjykata, që sipas tij as nuk e kishte lexuar dosjen.

“Së pari, nuk bëhet fjalë për çështjen e sterilizimit, as për kontratën e sterilizimit dhe as për koncesionin në fjalë. Këto nuk përmenden as në titullin e kontratës. Sterilizimi është vetëm një nga gjashtë komponentët e saj. Bëhet fjalë për instrumentet kirurgjikale. I referohen dosjes si ‘Ilir Beqaj dhe të tjerët’. Unë jam i fundit në kërkesën e gjykatës. Pse duhet të thuhet kështu? Kjo i paraqet të tjerët sikur janë aty për shkakun tim. Unë synoj pafajësinë dhe kjo është vetëm një e dhënë nominale, jo faktike. Kam kërkuar të kem avokat Maks Haxhinë, si drejtues i Dhomës së Avokatisë. Avokati i caktuar kryesisht nga gjykata u shpreh brenda dy javëve se ishte gati për mbrojtje, pa e lexuar dosjen dhe pa më takuar asnjëherë. Do të doja të isha informuar nga gjykata se kur ka ardhur ky avokat për t’u njohur me dosjen time”,-u shpreh Beqaj./CNA

 





Lajmet e fundit nga