web counter
LEXO PA REKLAMA!

SHKARKO APP

App Store
Google Play

E fundit!

x

Masat e sigurisë nga megaoperacioni "Ura"/ Dumani: Vetëm SPAK-u përcakton kush është më i rrezikshëm

21 Maj 2025, 12:41, Aktualitet CNA

Masat e sigurisë nga megaoperacioni "Ura"/ Dumani: Vetëm

Kreu i SPAK-ut, Altin Dumani, iu përgjigj një prej pyetjeve nga konferenca për megaoperacionin "Ura", lidhur me rrezikshmërinë e personave që bëjnë pjesë në grupin e madh kriminal që u godit nga ky aksion. Dumani theksoi se SPAK-u është institucioni i vetëm që përcakton se cili individ paraqet rrezikshmëri dhe në bazë të kësaj ndarjeje shpallen edhe masat e sigurisë.

Dumani tha se puna kundër krimit nuk mbaron nesër dhe shprehu gatishmërinë për vijimin e aksioneve në këtë drejtim.

“Nga personat e përfshirë, dy prej tyre janë në kërkim edhe për krime të tjera. Ka 8 masa të paekzekutuara. Nuk doni të kuptoni se ka masa ndaj drejtuesve, që nuk janë ekzekutuar, siç ka edhe masa që janë ekzekutuar. Media merret vetëm me personat e njohur që kanë probleme kriminale. Por jemi ne ata që e përcaktojnë kush është më i rrezikshëm. Ka edhe që janë kapur në kuadër të këtij hetimi. Detyra jonë është të zhvillojmë hetime dhe të bashkojmë forcat që grupet kriminale të mos gjejnë terren. Puna nuk mbaron në një ditë. Ne jemi të përgatitur për të tejkaluar këto sfida”,-tha Dumani./CNA





Lajmet e fundit nga