web counter
LEXO PA REKLAMA!

SHKARKO APP

App Store
Google Play

Çarja e rrugës/ Kush është kompania që ndërtoi Lotin II të segmentit Qukës-Qafë Plloçë

23 Janar 2026, 19:11, Aktualitet CNA

Çarja e rrugës/ Kush është kompania që ndërtoi

Rruga Qukës–Qafë Plloçë është një nga projektet më problematike infrastrukturore në vend, një projekt që ka nisur që prej vitit 2009.

Që nga hapja e tij, më 5 shtator të vitit 2025 ky aks është shoqëruar me bllokime të shpeshta dhe rrëshqitje dherash, ndërsa së fundmi është shfaqur një problematikë edhe më serioze dhe e rëndë.

CNA pak më parë raportoi se, në lotin e dytë të rrugës Qafë Plloçë–Qukës, në afërsi të kthesës së fshatit Trebinjë, traseja e rrugës ka pësuar çarje të konsiderueshme.

Dëmtimet janë konstatuar si në pjesën qendrore të strukturës së rrugës, ashtu edhe në anësore, duke krijuar vështirësi serioze në qarkullimin e automjeteve, veçanërisht në njërin sens të lëvizjes.

Kjo situatë nuk konsiderohet një problematikë e zakonshme, si ato të hasura më parë në këtë aks, por një rast i rëndë papërgjegjshmërie nga kompania që ka realizuar ndërtimin e Lotit II të segmentit Qukës–Qafë Plloçë.

Dëmtimet e shfaqura ngrenë pikëpyetje të forta mbi cilësinë e punimeve.

Për ndërtimin e Lotit II të këtij segmenti, nënkontraktore e firmës sipërmarrëse “Combain Group” ka qenë kompania “Alb Building”, e cila ka pasur në ngarkim realizimin e një pjese të punimeve në këtë aks problematik.

Çarja e rrugës/ Kush është kompania që ndërtoi
Pëllumb Beta dhe Odhise Bresha, administratorët e kompanisë Alb Building

Kompania ndërtuese duhet të mbajë përgjegjësi për gjendjen e krijuar, pasi nuk bëhet fjalë vetëm për kosto financiare apo riparime infrastrukturore, por për rrezik real ndaj jetës së qytetarëve që përdorin çdo ditë këtë rrugë.

Autoritetet duhet të marrin masa urgjente për garantimin e sigurisë së qarkullimit dhe verifikimin e përgjegjësive ligjore të subjekteve ndërtuese./ CNA





Lajmet e fundit nga