web counter
LEXO PA REKLAMA!

SHKARKO APP

App Store
Google Play

E fundit!

x

Organizatat mjedisore ngrenë shqetësimin/ Kërkojnë pezullimin e projektit në ishullin e Sazanit

23 Janar 2026, 15:14, Aktualitet CNA

Organizatat mjedisore ngrenë shqetësimin/ Kërkojnë

Një grup prej 41 organizatash mjedisore nga 28 vende të ndryshme ka shprehur shqetësimin e thellë lidhur me projektin e miratuar për ndërtimin e një resorti luksoz në Ishullin e Sazanit, i vetmi ishull i Shqipërisë, që rrethohet nga Parku Kombëtar Detar Karaburun–Sazan. Projekti parashikon ndërhyrje në një sipërfaqe prej 45 hektarësh, duke rrezikuar seriozisht biodiversitetin dhe habitatet kritike të zonës.

Letra e organizatave i është dërguar drejtpërdrejt Kryeministrit të Shqipërisë, z. Edi Rama, dhe ministirit të Mjedisit, z. Sofjan Jaupaj, duke kërkuar pezullimin e menjëhershëm të çdo vendimi për avancimin e projektit, përfshirjen e pjesës tokësore të ishullit në Parkun Kombëtar Detar dhe njohjen e tij si Zonë Kandidate Emerald dhe pjesë e rrjetit të ardhshëm Natura 2000.

Ishulli i Sazanit dhe ujërat përreth tij ofrojnë habitate jetike për llojet më të rrezikuara detare në botë, përfshirë fokën e Mesdheut (Monachus monachus), e cila është e përfshirë në Listën e Kuqe të IUCN-së dhe në Konventën për Speciet Migratore (CMS).

Zona mbart gjithashtu 36 lloje të tjera detare të rrezikuara globalisht, duke përfshirë bimë detare, molusqe, krustace, peshq, zvarranikë dhe cetace, të mbrojtura nga konventat ndërkombëtare si Konventa e Barcelonës, Konventa e Bonit, CITES dhe Konventa e Bernës.

Livadhet e Posidonia oceanica dhe shpella bregdetare të Ishullit ofrojnë habitatet jetike për këto lloje dhe janë të domosdoshme për ekosistemin e Mesdheut.

Që nga viti 2019, monitorimi sistematik ka konfirmuar prani të qëndrueshme të fokës së Mesdheut dhe biodiversitetit të pasur në zonën Karaburun–Sazan.

Bashkëlidhur gjeni letrën e firmosur nga të gjitha organizatat, e cila përmban më shumë detaje mbi shqetësimet mjedisore për mbrojtjen e Ishullit të Sazanit./ CNA

Organizatat mjedisore ngrenë shqetësimin/ Kërkojnë

Organizatat mjedisore ngrenë shqetësimin/ Kërkojnë

 





Lajmet e fundit nga