E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

7 vjet nga tërmeti shkatërrimtar/ PD: Bashkia e Tiranës përjashton qytetarët nga e drejta e kompensimit

23 Janar 2026, 13:55, Aktualitet CNA

7 vjet nga tërmeti shkatërrimtar/ PD: Bashkia e Tiranës

Zëdhënësja për antikorrupsionin në PD, Genta Vangjeli, në një deklaratë për mediat është shprehur se ende sot shumë qytetarë të cilët u prekën nga tërmeti i viti 2019, nuk kanë gjetur zgjidhje për pronat e tyre.

Ajo tha se një rast konkret denoncimi vjen nga një banore e Kombinatit, e cila ishte pronare e një apartamenti me pronësi të vërtetuar, me certifikatë të rregullt pronësie. Sipas Vangjelit, pasi godina u shpall e pabanueshme pas tërmetit, qytetarja u njoftua nga Bashkia Tiranë se ishte skualifikuar nga përfitimi i nënprogramit të grantit të rikonstruksionit.

Qytetarja thuhet se ka paraqitur ankimimin e saj, por përgjigjja e bashkisë ka qenë se ajo nuk përfiton për shkak të "mosplotësimit të kushteve dhe kritereve", sipas akteve ligjore dhe nënligjore të rindërtimit.

“Kanë kaluar 7 vite nga tërmeti shkatërrimtar i vitit 2019 por ende sot shumë qytetarë nuk kanë gjetur zgjidhje për pronat e tyre. Një rast konkret denoncimi vjen nga një banore e Tiranës në Njësinë Administrative nr. 6, Kombinat. Denoncuesja është pronare legjitime e një apartamenti prej 45 m², në godinën nr. 164, pronësi e vërtetuar me certifikatë të rregullt pronësie.

Pasi godina u shpall e pabanueshme pas tërmetit, qytetarja u njoftua nga Bashkia Tiranë se ishte skualifikuar nga përfitimi i nënprogramit të grantit të rikonstruksionit. Denoncuesja ka paraqitur ankimimin e saj, por përgjigjja e bashkisë ka qenë se ajo nuk përfiton për shkak të ‘mosplotësimit të kushteve dhe kritereve’, sipas akteve ligjore dhe nënligjore të rindërtimit.

Pyetja që ngrihet është: Çfarë duhet të bëjë kjo qytetare për të përfituar nga granti i rindërtimit të banesave të reja në Njësinë Administrative nr. 6?

A duhet të humbasë edhe vitet e jetës duke u endur pas dyerve të bashkisë dhe gjykatave?

Kanë kaluar 7 vite, janë shpenzuar miliona euro, ndërsa dhjetëra familje vijojnë të mbeten pa zgjidhje. Shumë qytetarë ndihen të braktisur nga shteti dhe të mashtruar nga propaganda zyrtare. Institucionet duhet të japin zgjidhje konkrete, jo justifikime burokratike. Propaganda nuk ndërton shtëpi”, u shpreh Vangjeli. /CNA