web counter
LEXO PA REKLAMA!

SHKARKO APP

App Store
Google Play

E fundit!

x

AKSK: Nuk ka pasur asnjë sulm kibernetik që të ketë cënuar sistemet shtetërore

22 Janar 2026, 22:23, Aktualitet CNA

AKSK: Nuk ka pasur asnjë sulm kibernetik që të ketë

Autoriteti Kombëtar për Sigurinë Kibernetike është shprehur në një deklaratë të ndarë në rrjetet sociale se nuk ka pasur asnjë incident kibernetik që mund të ketë cenuar sistemet shtetërore.

Në deklaratën e ndarë në rrjete sociale sqarohet se ky reagim vjen pas disa informacioneve të shpërndara në rrjete sociale apo media.

Deklarata e plotë:

Autoriteti Kombëtar për Sigurinë Kibernetike (AKSK) informon opinionin publik se, pavarësisht disa informacioneve të pavërteta të shpërndara ditët e fundit në rrjetet sociale apo media lidhur me pretendime për sulme kibernetike ndaj institucioneve të vendit, nuk ka asnjë incident kibernetik të konfirmuar që të ketë cënuar funksionimin, sigurinë apo integritetin e sistemeve shtetërore.

AKSK, në bashkëpunim të vazhdueshëm me institucionet publike dhe strukturat përgjegjëse, monitoron në mënyrë të pandërprerë hapësirën kibernetike dhe ka në funksion mekanizmat e nevojshëm për identifikimin dhe reagimin ndaj incidenteve kibernetike.

I bëjmë thirrje publikut dhe mediave që të referohen vetëm te burimet zyrtare dhe të shmangin përhapjen e informacioneve të pakonfirmuara, të cilat mund të krijojnë paqartësi dhe panik të panevojshëm.

AKSK do të vijojë të informojë në mënyrë transparente për çdo zhvillim të rëndësishëm që lidhet me sigurinë kibernetike në vend.





Lajmet e fundit nga