web counter
LEXO PA REKLAMA!

SHKARKO APP

App Store
Google Play

E fundit!

x

Ambasadorja e SHBA-së në Athinë, vizitë misterioze në Kryeministri

12 Mars 2026, 15:18, Aktualitet CNA

Ambasadorja e SHBA-së në Athinë, vizitë misterioze në

Një vizitë misterioze është regjistruar mbrëmjen e së mërkurës në Kryeministri. Në ambientet e godinës është parë të hyjë Kimberly Guilfoyle, ambasadorja e Shteteve të Bashkuara në Athinë, e cila është pritur që në hyrje nga kryeministri Rama.

Këto pamje, të xhiruara rastësisht nga një telefon celular në zonën e parkut të Piramidës, që kanë mbërritur në redaksinë e televizionit Kombëtar Klan, tregojnë momentin e takimit mes tyre.

Ambasadorja e SHBA-së në Athinë, vizitë misterioze në
Pamje nga vizita në Kryeministri

Ajo që e bën edhe më interesant këtë takim është fakti se Guilfoyle nuk konsiderohet thjesht një ambasadore e SHBA-së në një vend fqinj, por ajo është një nga njerëzit më të besuar të presidentit amerikan Donald Trump.

Për një periudhë të gjatë ajo ka bashkëjetuar me djalin e presidentit, Donald Trump Jr., dhe prej vitesh njihet si një nga figurat kyçe të rrethit të ngushtë të Trump në politikën amerikane.

Ambasadorja e SHBA-së në Athinë, vizitë misterioze në
Donald Trump dhe Kimberly Guilfoyle

Vizita e ambasadores Guilfoyle në Kryeministri nuk është njoftuar zyrtarisht dhe Kryeministria nuk pranoi ta komentojë takimin. As Ambasada Amerikane nuk ka bërë ndonjë njoftim zyrtar për këtë vizitë.

Interesant është edhe fakti se, sipas verifikimeve tona, Guilfoyle, e cila në Athinë njihet shpesh si “zonja e hekurt e diplomacisë amerikane”, nuk është shoqëruar dhe as pritur nga personeli i ambasadës amerikane në Tiranë, një rrethanë kjo që e bën edhe më enigmatik këtë takim të zhvilluar larg syrit të publikut. /Tv Klan





Lajmet e fundit nga