web counter
LEXO PA REKLAMA!

SHKARKO APP

App Store
Google Play

E fundit!

x

Ambasadori i BE-së në Tiranë: Kam dy fëmijë me ish-gruan, tani jam martuar me një burrë

19 Maj 2025, 11:40, Aktualitet CNA

Ambasadori i BE-së në Tiranë: Kam dy fëmijë me

Ambasadori i Bashkimit Europian në Tiranë, Silvio Gonzato, ka ndarë disa detaje nga jeta e tij personale. I ftuar në një studio televizive, teksa u shpreh për javën kulturore europiane dhe nën moton e Bashkimit Europian: “Të bashkuar në diversitet”, zgjodhi të flasë edhe për prirjen e tij seksuale.

Gonzato tha se i pëlqen të jetë i sinqertë në këtë rrëfim sepse nuk ka asgjë për të fshehur.

Gonzato tregoi se më parë ka qenë i martuar dhe ka dy fëmijë me ish-bashkëshorten dhe se tani është martuar me një burrë.

 “Është e vështirë sot të ekspozohesh në këtë formë dhe bëhesh i cenueshëm, por më pëlqen të jem i sinqertë. Nuk kam diçka për të fshehur. Të shprehesh se kush je në të vërtetë nuk është e lehtë, por e rëndësishme të jesh i ndershëm. Mënyra si jam unë nuk është kërcënim për ju dhe ndjenjat që kam janë të njëjta me ju. Po ne jemi ndryshe, jemi me këtë diversitet dhe jemi edhe të njëjtë. Me pëlqen edhe ideja e ekspozitës, ne kemi një thelb njerëzor dhe ju ndoshta e dini që unë kam qenë i martuar me një femër dhe më pas u martova me një burrë dhe problemet janë njësoj”,-tha Gonzato./CNA





Lajmet e fundit nga