web counter
LEXO PA REKLAMA!

SHKARKO APP

App Store
Google Play

E fundit!

x

Akuzat për tokën në Gjipe/ Berisha, me pyetjet e radhës për Ramën

23 Gusht 2024, 14:34, Aktualitet CNA
Akuzat për tokën në Gjipe/ Berisha, me pyetjet e radhës
Kreu i PD-së Sali Berisha

Kreu i PD-së, Sali Berisha, vijon me denoncimet për rastin e 224 mijë metër katrorë në Gjipe, për të cilat akuzon kryeministrin Edi Rama dhe familjarët e tij se i kanë grabitur.

Në daljen e sotme publike Berisha i është drejtuar me 4 pyetje të tjera kryeministrit Edi Rama, i cili deri më sot nuk i është përgjigjur asnjërës prej pyetjeve publike të drejtuara nga Berisha për rastin në fjalë.

Katër pyetjet e Berishës:

1-A ke shpallur veten Edvin Gjipeja si kryetar i komitetit të investimeve strategjike në ndonjë nga vendimet tua si investitor strategjik në zonën e Jalës?

2- Në rast se keni përfshirë në zonën e investimit strategjike tokën e grabitur nga ti dhe familjarët e tu, atje lart në rripa malesh apo aty poshtë buzë detit dhe Kanionit të Gjipesë, a mund t'u thuash ndonjë fjalë shqiptarëve?

3- Në rast se nuk i keni përfshirë në investimin strategjik të Jalës të 224 mijë metër katrorë tokë të grabitura në Gjipe, a keni përfshirë ndonjë parcelë prej tyre në këtë zonë?

4- A e kupton ti Edvin Gjipeja, hajduti i Gjipesë, se po grabit një tokë duke përdorur pushtetin e kryeministrit për të cilën nuk ke asnjë dokument kadastral, asnjë dokument shpronësimi nga shteti, dhe asnjë dokument zyrtar se gjyshi yt, Petro Koleka, e ka blerë atë nga ndonjë person tjetër?

Në fund të fjalës së tij, Berisha i bën thirrje Ramës të heqë dorë pasi është kapur në vjedhje të tmerrshme./ CNA





Lajmet e fundit nga