web counter
LEXO PA REKLAMA!

SHKARKO APP

App Store
Google Play

E fundit!

x

“Laguna e Karavastasë, drama më e madhe ekologjike”/ Erion Braçe shpërthen në kritika

23 Gusht 2024, 10:11, Aktualitet CNA
“Laguna e Karavastasë, drama më e madhe ekologjike”/ Erion
Erion Braçe

Erion Braçe, zëri opozitar në pozitë ka denoncuar një dëm që po i bëhet Lagunës së Karavastasë në Divjakë, të cilin e quan dramën më të madhe ekologjike.

Braçe shpjegon se prej dy muajsh së bashku me Bashkinë e Divjakës po monitorojnë grykën e Lagunës dhe janë të tmerruar nga ajo që kanë konstatuar, largimin e detit, duke krijuar ndërprerje me lagunën.

Sipas deputetit socialist kjo vjen nga ndryshimi i shtratit të Lumit Shkumbin pasi që atëherë ka vijuar kjo ndarje.

Braçe u ka bërë thirrje institucioneve të ndërhyjnë me urgjencë të ndalojnë këtë dëm të madh që po i bëhet mjedisit.

“Duket magjishëm bukur, por është drama më e madhe ekologjike!

Mos jetë më bashkë me çdo gjallesë në të! Kam katër vite që bashkë me Bashkinë e Divjakës këtë vitin e fundit edhe më intensivisht të ndërgjegjësojmë çdo zyrë shteti e çdo zyrtar të lartë politik e ekzekutiv për këtë, të mos ndodhë kjo!

Na kanë dëgjuar, nuk ankohem, na kanë dëgjuar por kanë bërë asgjë zero.

Kemi dy muaj që monitorojmë fiks këtë grykë të lagunës dhe me monitorimin e fundit, dje jemi tmerruar.

Komunikimi i lagunës me detin thuajse është ndërprerë.

Nuk ia kishim e kemi borxh kërkujt këtë, për më tepër çdo kokëboshi/je, të paafti/je, mendjemadhi/je që di gjithçka por jo atë që është e ndodh në territor.

Ja dëmi që kanë bërë.

E nisën një grusht kokëboshës para shumë vitesh kur i ndryshuan shtratin e grykëderdhjes lumit Shkumbin prej asja dite deti nisi të largohej dhe pasoja ja ku është.

Po tani?

Tani ose ndërhyni ose kot flisni për pasuri natyrore e bukuri. Ju kam thënë: E urrej të them më doli fjala”, shkruan Braçe./ CNA

“Laguna e Karavastasë, drama më e madhe ekologjike”/ Erion





Lajmet e fundit nga