E fundit!

07:51 Kosova & Bota

Cilat vende të BE-së luftojnë hendekun e pagave?/ Rregullat e reja të transparencës e ndajnë bllokun

Vetëm katër vende të BE-së e kanë zbatuar Direktivën e BE-...

Aksi Elbasan-Qafë Thanë/ ARRSH: Punimet vijojnë intensivisht në fazën e dytë

11 Janar 2025, 17:17, Aktualitet CNA

Aksi Elbasan-Qafë Thanë/ ARRSH: Punimet vijojnë intensivisht

Autoriteti Rrugor Shqiptar njofton se po vijon intensivisht puna në fazën e 2-të në kantierin e aksit rrugor Elbasan-Qafë Thanë.

Sipas ARRSH, deri më tani realizimi fizik i punimeve në këtë investim ka arritur në 38%.

Deri më tani ka përfunduar puna për ndërtimin e nënkalimit hekurudhor në km 9+50. Ndërkohë që po punohet për ndërtimin e nënkalimit automobilistik, ndërtimi i veprave të artit, si tombina rrethore dhe katrore, mure mbajtëse dhe mbajtëse.

Aksi Elbasan-Qafë Thanë/ ARRSH: Punimet vijojnë intensivisht

Në të njëjtën kohë, vijon puna për mbrojtjen e lumit, ku realizimi fizik i punimeve ka përfunduar në 95% të punës.

Aksi rrugor Elbasan-Qafë Thanë është pjesë e Korridorit VIII dhe konsiderohet si një nga më të rëndësishmet në vend, një rrugë që do të lidhë Durrës-Elbasan-Librazhd-Qafë Thanë, për të vazhduar më tej me Maqedoninë e Veriut dhe Bullgarinë.

Aksi Elbasan-Qafë Thanë/ ARRSH: Punimet vijojnë intensivisht

Ky projekt pritet të përfundojë në vitin 2027 dhe do të ketë një ndikim të rëndësishëm në ngushtimin e distancave me qytete dhe vende të ndryshme, pasi ky aks lidh zona shumë të rëndësishme si porti i Durrësit me pikat kufitare të Greqisë, Maqedonisë së Veriut dhe Bullgarisë.

Fazat:

Faza V 2 493 781 944 lekë

Faza VI 2 488 938 322 lekë

Faza VII 2 472 508 964 lekë

Faza VIII 2 499 999 994 lekë

Kjo rrugë u shërben jo vetëm banorëve të zonës mes Elbasanit dhe Korçës, por edhe turistëve vendas dhe të huaj, që frekuentojnë zonën e Pogradecit dhe Korçës, si dhe qytetarëve të huaj dhe vendas që lëvizin drejt Greqisë dhe Maqedonisë së Veriut./ CNA