web counter
LEXO PA REKLAMA!

SHKARKO APP

App Store
Google Play

E fundit!

x

A do ta pranojë Andrea Mano mandatin e deputetit?/ Si përgjigjet Ivi Kaso

3 Tetor 2024, 20:34, Aktualitet CNA
A do ta pranojë Andrea Mano mandatin e deputetit?/ Si përgjigjet Ivi
Ivi Kaso

Ivi Kaso foli nga Pogradeci për vakancën në Kuvend, të krijuasr pas heqjes së mandatit të deputetit të Ervin Salianjit, i cili u burgos me akuzën e kallëzimit të rremë.

Kaso tha se nuk ka një informacion të saktë, por theksoi se nëse do ta pranojë, padiskutim do të hyjë në PD dhe nuk do të bashkohet me Lulzim Bashën.  

“Duke ju referuar përgjigjes së pyetjes për ta nisur nga fundi është ende herët për të bërë një parashikim të tillë, sigurisht Z. Mano i cili ka qënë në listën e kandidatëve në zgjedhjet e përgjithshme të vitit 2021 dhe ka marrë një numër të konsiderueshëm votash, është personi në radhë i cili në bazë të vendimarrjes të pritshme të komisionit të qëndror të zgjedhjeve duhet të përfitojë mandatin i cili ju hoq padrejtësisht si pasojë e një vendimi politikisht të motivuar deputetit Ervin Salianji. Pavarësisht kontakteve politike që kemi me Manon unë nuk kam një informacion të saktë nëse do e pranojë mandatin e deputetit por nëse do ndodhte nuk do ta shihja në asnjë vend tjetër kontributin edhe në këtë funksion të tij sikundër ai që ka qënë përgjatë këtyre viteve nën siglën dhe rreth emrin të PD”, u shpreh ai.

Kaso deklaroi se ka komunikuar me Salianjin i cili ndodhet i dënuar në Burgun e Fierit.

“Kam patur mundësi të diskutoj tema të ndryshme me të, ai ka treguar një shkallë të lartë integriteti jo vetëm politik por edhe personal përsa kohë që pavarsisht se i bindur 100% se vendimarrja politikisht e motivuar e gjykatës nuk e prekte në asnjë mënyrë dhe të mos i krijonte atij asnjë pasojë, përsëri u përball në mënyrën më të mirë të mundshme me këtë situatë dhe gjithë vëmëndja e tij është për familjen, të afërmit që e vuajnë në mënyrë të padrejtë, sikundër kolegët dhe bashkëpuntorët e vet të Partisë Demokratike, veçanërisht ata të qarkut të Korçës dhe Elbasanit.

Kanë qenë komunikime të natyrës familjare po aq edhe të natyrës politike ku është rikonfirmuar vendosmëria e tij që pavarsisht kushteve të vazhdojë aktivitetin politik”, theksoi ai./ CNA





Lajmet e fundit nga