Prokurorët e SPAK-ut vendosin unanimisht: Nuk do të shkojmë te komisioni “Xhafaj”

3 Tetor 2024, 12:59, Aktualitet CNA

Prokurorët e SPAK-ut vendosin unanimisht: Nuk do të shkojmë te

Prokurorët e SPAK-ut kanë refuzuar që drejtuesit apo anëtarët e këtij institucioni mund të mos paraqiten në komisionin "Xhafaj".

Nuk e kanë detyrim për të qenë të tillë pasi që është kryeprokurori i këtij institucioni që mund të marrë pjesë, por SPAK-u është dhe para një detyre shumë të vështirë nuk mund të shkojë të pyetet dhe të japë llogari para Fatmir Xhafaj, i cili është vëllai i Geron Xhafajt i ekstraduar për trafikim droge në Itali.

Ndërkohë që ndaj Fatmir Xhafajt tashmë ka dhe një kallëzim në SPAK dhe ky i fundit pritet të hetohet pasi është në koflikt të pastër interesi. Duhet që Fatmir Xhafaj të japë dorëheqjen nga ky komision tashmë në qoftë se nuk kërkon të krijojë ngërçe dhe bllokime për ecjen e tij para.

"Në përgjigje të interesimit tuaj, ju bëjmë me dije se kërkesa e Komisionit të Posaçëm Parlamentar 'Për Thellimin e Reformave për Mirëqeverisjen, Sundimin e Ligjit, dhe Antikorrupsionin për Shqipërinë 2030 në Bashkimin Evropian' (Komisioni), u analizua me shumë kujdes nga ana jonë duke u trajtuar në Mbledhjen e Prokurorëve të Posaçëm të datës 03.09.2024.

Gjatë kësaj mbledhjeje, Prokurorët e Posaçëm diskutuan rëndësinë e bashkëpunimit me Kuvendin për përmirësimin e sundimit të ligjit dhe luftën kundër korrupsionit dhe krimit të organizuar, gjithmonë duke respektuar parimin e ndarjes dhe balancimit të pushteteve.

Në mënyrë unanime të gjithë Prokurorët e Posaçëm nuk e konsideruan të nevojshme pjesëmarrjen me ekspert në këtë Komision, pasi vlerësuan se tashmë institucioni ynë i ka përmbushur detyrimet ligjore për bërjen publike të problematikave të hasura gjatë ushtrimit të funksioneve të tij duke përfshirë këtu dhe nevojat për ndryshime ligjore përkatëse.

Ky detyrim ligjor është realizuar përmes publikimit të Raporteve Vjetore të SPAK në faqen zyrtare, si dhe raportimeve periodike përballë KLP-së dhe Kuvendit. Nga ana tjetër, Prokuroria e Posaçme, cilësoi se është e gatshme për të ofruar kontributin e saj përmes dhënies së mendimeve ligjore sa herë që do të konsiderohet e nevojshme nga ky Komision", thuhet në njoftimin e SPAK-ut për mediat./ CNA