web counter
LEXO PA REKLAMA!

SHKARKO APP

App Store
Google Play

E fundit!

x

"46% e kimioterapive nuk kanë hyrë në Shqipëri"/ Raporti i KLSH zbulon tjetër skandal te Onkologjiku

1 Tetor 2025, 20:04, Aktualitet CNA

"46% e kimioterapive nuk kanë hyrë në Shqipëri"/

Gazetari Osman Stafa ka publikuar në rrjetet sociale një tjetër skandal nga Spitali Onkologjik.

Stafa ka publikuar raportin e KLSH, për të cilin thotë se i është dorëzuar javën e shkuar drejtorisë së QSUT-së.

Raport i cili konstaton se barnat jetike për pacientët me sëmundje tumorale janë keqmenaxhuar ose kanë qenë në mugesë për periudha kohore të gjata.

Raporti përfshin periudhën nga viti 2021 deri në vitin 2025.

“Ky është raporti më bombastik i bërë ndonjëherë nga Kontrolli i Lartë i Shtetit!

Një dokument tronditës, që flet për mungesën dhe keqmenaxhimin e barnave jetike për pacientët me sëmundje tumorale. Raporti i është dërguar Drejtorisë së QSUT-së dhe është një akt-akuze e rëndë mbi gjithë zinxhirin e përgjegjësisë.

Ky raport më jep të drejtë 100% për çfarë kam denoncuar dhe investiguar.

Ky nuk është thjesht një raport teknik. Ky është një dokument që në një vend europian shkarkon një Kryeministër! Ky është një raport që në një shtet europian rrëzon një ministre shëndetësie!

Sepse kur pacientët lihen pa ilaçe, nuk kemi më të bëjmë me paaftësi, por me krim shtetëror.

Ky raport, është e vërteta më e madhe e tetorit rozë”, shkruan gazetari.

 

Në raport rezulton se në sistemin Pentaho, dy medikamente kimio kanë qenë të skaduara.

Sistemi Pentaho është sistemi i brendshëm i Farmacisë Qendrore.

Nga viti 2021–2025, 46% e kimioterapive nuk kanë hyrë në Shqipëri.

Pacientët me kancer gjaku, sipas raportit, vuajnë mungesën e barit daratumumab, për të cilin QSUT edhe në vitin 2025 ka bërë një furnizim prej 4000 mijë flakonesh, por përsëri për pacientët rezulton se nuk ka, duke hedhur dyshime për keqmenaxhim.





Lajmet e fundit nga