web counter
LEXO PA REKLAMA!

SHKARKO APP

App Store
Google Play

E fundit!

x

280 ditë nga gënjeshtrat e Erion Veliajt

24 Janar 2026, 14:28, Aktualitet CNA

280 ditë nga gënjeshtrat e Erion Veliajt

Plot 160 ditë janë mbushur sot nga mashtrimi publik i Erion Veliajt dhe gazetarit të familjes së tij, Mero Bazes. 160 ditë pa publikuar asnjë dokument, mbi pretendimet e tyre se prokurori Ols Dado ka kërkuar shtesë mbi lejen e ndërtimit dhe se për shkak të kësaj ka nisur hetimet ndaj kryebashkiakut të arrestuar për 13 akuza të rënda.

Kanë kaluar 160 ditë dhe as Erion Veliaj e as gazetari i familjes së tij, Mero Baze, nuk kanë publikuar dokumentin me firmën e Ols Dados për shtesë mbi lejen dhe as dokumentin me refuzimin me firmë të kryebashkiakut.

Këto mbeten akuza dhe pretendime të pavërteta që vijnë si pasojë e një skenari me dirigjencë nga burgu i Durrësit për sulm ndaj drejtësisë.

Fakt është që Erion Veliaj është kapur me korrupsion, shpërdorim detyre, pastrim të produkteve penale, futjen e sendeve të ndaluara në qeli dhe me fshehje pasurie, 5 vepra shumë të rënda.
SPAK-u ka kopsitur dosjen e Erion Veliajt dhe e ka dërguar atë për gjykim, ku sërish Veliaj, edhe pse ndodhet përballë akuzave dhe fakteve, ka frikë të përballet dhe po vijon me taktikën e shtyrjeve të seancave gjyqësore.

Pse themi 280 ditë nga mashtrimet e Veliajt?

CNA ka publikuar dokumente dhe fakte që tregonin se si Erion Veliaj dhe vëllai i tij Arbër Veliaj kanë paguar 220 mijë dollarë për lobime, për të sulmuar drejtësinë, prokurorët dhe gjyqtarët.
CNA ka siguruar dhe ka publikuar deklarimet e kompanisë lobiste “Kasowitz LLP”, dorëzuar në FARA, pranë Departamentit të Drejtësisë në SHBA, ku tregohet dhe vlera e paguar nga Erion dhe Arbër Veliaj për lobim në SHBA, e cila shkon në shumën prej 219,945 eurosh.

Në këtë raport, përveç lobimit, evidentoheshin edhe mashtrimet që ka thënë për prokurorin Ols Dado. Në një pjesë të raportit të dorëzuar në Departamentin e Drejtësisë thuhej se, Prokurori Ols Dado është anëtar aktiv i partisë autoritare të opozitës.


Në raport theksohej se personeli i SPAK-ut që është përfshirë në çështjen e hetimit të Veliajt është në konflikt.

Në dokument thuhet se prokurori Ols Dado është një anëtar aktiv i partisë autoritare opozitare, Partisë Demokratike, kjo e fundit e drejtuar nga Sali Berisha.

280 ditë nga gënjeshtrat e Erion Veliajt


Të lexosh këto rreshta është sa skandaloze, aq dhe qesharake. Është një mashtrim publik pasi Sali Berisha është një person që po hetohet nga SPAK-u për korrupsion, ndaj të cilit fillimisht u dha masa e sigurisë arrest shtëpie dhe më pas detyrim me paraqitje, ndërkohë që gjyqi vijon.

Përveç faktit që Sali Berisha është i sanksionuar nga SHBA dhe Britania e Madhe, është një nga personazhet që më së shumti ka sulmuar SPAK-un.

Një gënjeshtër tjetër e fabrikuar nga Veliaj ishte se Prokurori Ols Dado është zhvillues pronash dhe se ai i ka paraqitur një kërkesë kryetarit të Bashkisë Tiranë për të modifikuar një leje ndërtimi në pronën që zotëronte dhe e cila iu refuzua.


Ky është mashtrimi i cili sot mbush plot 160 ditë. Një mashtrim në bashkëpunim, pasi edhe gazetari i familjes së tij, Mero Baze, ka të njëjtin pretendim, por asnjëri prej tyre nuk kanë publikuar asnjë fakt, asnjë dokument që tregon kërkesën me firmë të prokurorit dhe refuzimin me kërkesë të kryebashkiakut.


Sipas një përllogaritjeje të thjeshtë, duke iu referuar të dhënave të raportit dhe ditëve që nga publikimi i mashtrimit të Veliajt janë rreth 300 ditë mashtrime.


Mashtrime, akuza dhe sulme ndaj drejtësisë, prokurorit dhe gjyqtarit të çështjes “Veliaj”./ CNA





Lajmet e fundit nga