web counter
LEXO PA REKLAMA!

SHKARKO APP

App Store
Google Play

E fundit!

x

Meta takon Yuri Kim/ Zbuten tensionet me ambasadoren e SHBA-së?

25 Maj 2022, 09:43, Politikë CNA

Presidenti Ilir Meta është takuar sot me ambasadoren e SHBA-së, Yuri Kim, me të cilët vitin e kaluar pati tensione.

Në një prononcim për mediat, pas takimit në fjalë, ndër të tjera Meta është pyetur edhe për përmirësimin e kësaj marrëdhënieje me ambasadoren e SHBA-së.

Kreu i shtetit tha se nuk sheh asnjë problem në këtë drejtim, ndërsa shtoi se lufta kundër trafiqeve duhet të jetë një prioritet për të gjithë ne.

?Nuk shikoj asnjë problem në këtë drejtim përveç forcimit të mëtejshëm, bashkëpunimit të mëtejshëm jo vetëm kundër trafikut të qenieve njerëzore, që është një problem tepër serioz dhe që vendi ynë e përjeton shumë për shkak të rritjes së numrit të qytetarëve tanë që largohen dhe për fat të keq dhe të fëmijëve të pashoqëruar nga prindërit të cilët bien shpesh pre e trafikantëve ndërkombëtarë që është një pasojë e madhe jo vetëm për shoqërinë tonë, sepse jo vetëm shkatërron të rinj, fëmijë, familje të ardhshme, por edhe shteron shumë prej energjive të mira të këtij vendi për zhvillim. Lufta kundër trafiqeve duhet të jetë një prioritet për të gjithë ne këtu, për qeverinë, opozitën, parlamentin, e cila duhet të rrisë rolin kontrollues, pa dyshim në bashkëpunim me partnerët ndërkombëtar.

Trafikimi është një krim ndërkombëtar, ku trafikantë nga vend të ndryshme organizohen në mënyrë perfekte dhe ata nuk mund të ballafaqohen ndryshe veçse me një bashkëpunim më të fortë ndërmjet organizatave, duke mbështetur shoqërinë civile?, deklaroi Meta./CNA.al





Lajmet e fundit nga