web counter
LEXO PA REKLAMA!

SHKARKO APP

App Store
Google Play

Bashkëpunim me Berishën?/ Distancohet zyrtari i PE-së: Nuk është vendi për të diskutuar për PD-në

24 Maj 2022, 11:44, Politikë CNA

Zyrtari i PE-së, David Mc.Allister, ka zgjedhur të mos komentojë situatën e brendshme të Partisë Demokratike.
Në fjalën e tij, McAllister theksoi se si anëtar i CDU-së dhe zv.president i PPE-së do të përpiqen që të tejkalohen ndasitë.

?Ishte goxha përvojë ajo që patëm në 2017-ën kur patëm nderin të ndihmonim në tejkalimin e disa diferencave politike. Kam simpati për Shqipërinë dhe shqiptarët. Sot jam si kreu i komisionit parlamentar i çështjeve të jashtme. Sot nuk kam mundësi të bëj komente publike për çfarë po ndodh në PD.

Të jeni të sigurt se në kapacitetin tim si anëtar i CDU-së po i ndjekim të gjitha zhvillimet në PD nga afër dhe do të përpiqemi të japim mbështetjen tonë si EPP që të tejkalohen dallimet ose ndasitë”, tha McAllister. 

I pyetur nëse do ta njohin apo do të bashkëpunojnë me kryetarin e PD-së, Sali Berisha, tha se nuk është vendi për të diskutuar për zhvillimet në PD dhe se për këto zhvillime do të flitet në konferencën e javës së ardhshme në Roterdam.

?Nuk është vendi këtu për të komentuar për zhvillimet e brendshme të Partisë Demokratike. Do të kemi takime të presidencës dhe jam i sigurt që mes çështjeve të tjera do të diskutojmë edhe zhvillimet e tjera të Shqipërisë?, tha Mc.Allister./ CNA.al





Lajmet e fundit nga