web counter
LEXO PA REKLAMA!

SHKARKO APP

App Store
Google Play

Vrasja e kamarierit/ Përfundojnë hetimet, prokuroria “kopsit” dosjen

20 Maj 2022, 11:39, Kronika CNA

Prokuroria e Elbasanit ka përfunduar hetimet për vrasjen e kamarierit Gazment Kurmaku, në Elbasan.

Sipas prokurorisë, Erjon Llapushi është autori i krimit makabër në një lokal në Elbasan më 2 tetor 2021.

Llapushi vrau kamarierin, ndërsa bashkëpunëtori i tij, Luan Dulellari nuk bëri asnjë lëvizje për të ndaluar shokun e tij apo për të mbrojtur viktimën, por u arratis.

?Prokuroria pranë Gjykatës së Shkallës së Parë Elbasan njofton se ka përfunduar hetimi dhe është dërguar për gjykim procedimi penal nr.1469, për ngjarjen e ndodhur më datë 02/10/2021 me të pandehur shtetasit:

–    Erjon Llapushi hetuar më masën e sigurimit ?Arrest në burg?, akuzuar për veprën penale të ?Vrasjes me dashje? parashikuar nga neni 76 i K.Penal

–    Luan Dulellari, hetuar me masën e sigurimit ?Arrest në burg?, akuzuar për veprat penale të ?Moskallëzimit të krimit? parashikuar nga neni 300/1 i K.Penal dhe ?Përkrahjes së autorit të krimit? parashikuar nga neni 302/1 i K.Penal, ku ka mbetur viktimë shtetasi Gazmend Kurmaku.

Ngjarja i referohet datës 02.10.2021, ku ka ndodhur një konflikt në ambjentet e subjektit ?Rozafa Fish? në Labinot të Elbasanit, midis disa klientëve dhe punonjësit të restorantit të quajtur Gazmend Kormaku, i cili pas një debati me autorin është goditur me grusht nga ky i fundit. Si pasojë viktima ka humbur jetën me datë 07/10/2021.

Hetimet u ndoqën nga Drejtuesi i Prokurorisë Z. Kreshnik AJAZI.?-thuhet në njoftim./CNA.al





Lajmet e fundit nga