web counter
LEXO PA REKLAMA!

SHKARKO APP

App Store
Google Play

Sekuestrohet heroinë dhe kokainë në autobusin e linjës Berat-Athinë/ Kapet 38-vjeçarja

11 Maj 2022, 07:08, Kronika CNA

Një 38-vjeçare nga Fieri është arrestuar nga policia në Kakavijë, për shkak se është kapur me një sasi të madhe lëndësh narkotike të forta.

Shtetasja, 38-vjeçare me inicialet E.V,  udhëtonte si pasagjere në një autobus, nga Berati drejt Athinës.

Gjatë kontrollit është bërë e mundur gjetja e 10 pakove me lëndë të dyshuar narkotike, në 8 prej të cilave kishte lëndë narkotike heroinë, ndërsa 2 pako kishin lëndë narkotike kokainë.

“Shërbimet e Policisë Kufitare Kakavijë, si rezultat i shtimit të kontrolleve me qëllim parandalimin dhe goditjen e paligjshmërisë, bazuar dhe në analizën e riskut, në dalje të RSH-së, pas verifikimit të të dhënave në sistemin TIMS, kanë kaluar për kontroll në vijën e dytë pasagjerët e autobusit të linjës Berat-Athinë. Gjatë kontrollit fizik ndaj shtetases E. V., e cila udhëtonte si pasagjere në këtë autobus, është bërë e mundur gjetja e 10 pakove me lëndë të dyshuar narkotike, në 8 prej të cilave kishte lëndë të dyshuar narkotike heroinë(me peshë totale 4 kg e 160 gramë), ndërsa 2 pako kishin lëndë të dyshuar narkotike kokainë (me peshë totale 780 gramë.)

Lënda narkotike u sekuestrua në cilësinë e provës materiale.

Në përfundim të veprimeve të kryera nga specialistët për Hetimin e Narkotikëve dhe Trafiqeve të Paligjshme në DVP Gjirokastër u bë arrestimi në flagrancë i shtetases E. V., 38 vjeçe, banuese në Fier”, njofton policia./ CNA.al





Lajmet e fundit nga