E fundit!

09:03 Aktualitet

Amnistia Penale hyn në fuqi, qindra të dënuar lënë sot burgjet/ Ja kush përfiton dhe kush përjashtohet

Ka nisur zbatimi i Amnistisë Penale, duke sjellë ndryshime...

Akuzohen për vepra të ndryshme penale/ Në pranga 5 persona, procedohet një tjetër

10 Maj 2022, 11:41, Kronika CNA

Policia e Tiranës ka vënë në pranga 5 persona dhe ka proceduar penalisht një tjetër, për vepra të ndryshme penale.

Specialistët për Hetimin e Narkotikëve bënë arrestimin në flagrancë të shtetasit E. N., 38 vjeç, banues në Tiranë, pasi gjatë kontrollit fizik nga shërbimet e Policisë, iu gjet dhe iu sekuestrua në cilësinë e provës materiale, një sasi lënde e dyshuar narkotike e llojit kokainë.

Specialistët për Hetimin e Krimeve në Komisariatin e Policisë Nr. 2 bënë arrestimin në flagrancë të shtetasit R. K., 38 vjeç, banues në Kurbin, për veprën penale “Vjedhja”, mbetur në tentativë. Shtetasi R. K., në bashkëpunim me një shtetas tjetër, ende të paidentifikuar, kanë tentuar t?i vjedhin një shumë parash dhe aparatin celular, shtetasit T. S.

Specialistët e Qarkullimit Rrugor bënë ndalimin e shtetasit F. L., 29 vjeç, banues në Kavajë, pasi Gjykata e Shkallës së Parë Tiranë e ka dënuar me 2 muaj burgim, për veprën penale “Drejtimi i automjeteve në mënyrë të parregullt”.

Gjithashtu, specialistët e Qarkullimit Rrugor bënë arrestimin në flagrancë të shtetasve:

– D. Sh., 20 vjeç, banues në Tiranë, për veprën penale “Shkelja e rregullave të qarkullimit rrugor”, pasi duke drejtuar automjetin, ka aksidentuar një 11-vjeçar, i cili ndodhet në spital, jashtë rrezikut për jetën;

– E. A., 23 vjeç, banues në Tiranë, për veprën penale “Shkelja e rregullave të qarkullimit rrugor”, pasi duke drejtuar automjetin, ka humbur kontrollin mbi drejtimin e tij dhe ka dalë nga rruga. Si pasojë është dëmtuar drejtuesi i mjetit dhe pasagjerët, të cilët ndodhen jashtë rrezikut për jetën.

Specialistët për Hetimin e Krimeve në Komisariatin e Policisë Nr. 2 bënë kapjen e shtetasit E. K., 39 vjeç, banues në Tiranë dhe nisi procedimi penal për këtë shtetas, pasi më datë 04.05.2022, gjatë një konflikti për motive të dobëta, ka goditur me mjet prerës shtetasit G. X., E. Sh., dhe K. M.

Janë referuar materialet në Prokurori, për veprën penale “Dhuna në familje”, në ngarkim të shtetasve J. M., 30 vjeç, E. Xh., 39 vjeç dhe P. M., 62 vjeç dhe po punohet për kapjen e tyre, pasi kanë ushtruar dhunë ndaj familjarëve.

Sakaq, materialet i kaluan Prokurorisë, për veprime të mëtejshme procedurale./ CNA.al