E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Villarreal-Liverpool/ Kush tha se është ‘e pamundur’?!

3 Maj 2022, 08:46, Sport CNA

Do të jetë historike të dëgjosh himnin e Champions League këtë të martë në ?La Cerámica?, për herë të dytë përpara një gjysmëfinaleje të Kupës Europiane. Ashtu siç ishte në vitin 2006 në atë ndeshje kundër Arsenalit, që u përcaktua nga penalltia e humbur nga Riquelme, për të shkuar në kohën shtesë.

Villarreali, sonte, në orën 21:00, do të luftojë për të kaluar në finalen e Champions League kundër një skuadre të vështirë si Liverpooli, që tregoi epërsi në ndeshjen e parë të luajtur gjashtë ditë më parë në ?Anfield?.

Rezultati 2-0 është i pastër, por jo përfundimtar. Klopp e paralajmëroi atë, me një ton sarkastik, në konferencën e mëparshme për shtyp, kur e pyetën nëse barazimi ishte i pamundur. ?Kur isha më i ri zemërohesha për pyetje të tilla. Sigurisht që jo. Është gjysma e bërë?.

Humori i Villarrealit nuk ka ndryshuar për shkak të humbjes në ndeshjen e pare 0-2, një klub që udhëhiqet nga motoja ?jeto për momentin?. ?Nëndetësja? do të luajë radhazi ndeshjen e saj numër 27 në Europë. 15 në sezonin e kaluar deri në fitoren e Europa League në finalen e Gdansk dhe të 12 të këtij edicioni të Champions League.

Villarreal gjithashtu ka argumente për të besuar se është e mundur. Është e vërtetë, që fillimi i ndeshjes ndryshon, sepse duhet të shënosh dy gola për të arritur barazimin. Por edhe skena ndryshon. Dhe nëse ?La Cerámica? mund të mos shënojë golin e parë, do ta ndihmojë skuadrën e tij të mos dominohet siç ndodhi në ?Anfield?.

Liverpool, i cili mundi Newcastle në ndeshjen e fundit në Premier, mund të përsërisë të njëjtën skuadrës që i dha Klopp një rezultat kaq të mirë për të fituar ndeshjen e parë. Megjithatë, Emery konfirmoi humbjen e Yeremy Pinos dhe ka dyshime për Arnaut Danjuma, i cili dje nuk u stërvit me grupin për shkak të disa shqetësimeve në këmbën e djathtë. Lajmi i madh për Villarealin do të jetë rikthimi i Gerard Morenos, i cili nuk ka luajtur që kur u dëmtua në ndeshjen kundër Getafes.

Ja dhe formacionet e mundshme për ndeshjen e mbrëmjes?