Leao i dha fitoren ndaj Fiorentinës, Pioli befason me deklaratën pas ndeshjes

1 Maj 2022, 16:30, Sport CNA

?Skuadra luajti, luftoi kundër një skuadre që na krijoi vështirësi. Ishim të rrezikshëm. Ky është një tjetër hap para dhe ka kënaqësi si për ne edhe për tifozët tanë fantastikë. Nga e marta do të nisim të përgatisim ndeshjen e radhës?, kështu e nisi deklaratën e tij trajneri i Milan, Stefano Pioli, pas fitores minimale që mori ndaj Firorentinës.

Një fitore që i mban kuqezinjtë në krye, teksa i falen Leaos për 3 pikët e vuajtura të marra ndaj skuadrës vjollcë, por shumë të rëndësishme në garën për titullin kampion.

?Goli na çliroi. Krijuam shumë raste. Kishim mentalitetin e duhur, vazhduam të punojmë si skuadër. Në ndeshje të tilla ka gjithmonë pak tension. Luftojmë për një objektiv shumë të rëndësishëm dhe ndiejmë gjithë këtë energji, që me kalimin e minutave bëhet e vështirë për tu menaxhuar.

Lojtarët, ndonëse janë shumë të rinj, po bëjnë shumë mirë dhe ishin me të vërtetë të zotë. Po kalojnë hapa të rëndësishëm në nivelin e ndërgjegjësimit, kanë mësuar të vuajnë. Jemi në një pikë të mirë?, ka shtuar trajneri i Milanit.

?Unë mendoj se ne jemi si një zinxhir montimi perfekt, sepse klubi na ka dhënë besim dhe mbështetje, drejtuesit besojnë te puna ime. Unë besoj te puna ime dhe të futbollistët e mi. Jemi të gjithë pozitivë edhe në vështirësi dhe nuk heqim dorë nga cilësitë tona, duke e ditur që jemi një skuadër shumë e re.

Klubi është mbi të gjitha. Drejtuesit na kanë mbështetur gjithmonë. Trajneri dhe lojtarët ndiejnë besimin e klubit dhe kanë mundësinë të japin më të mirën. Na presin edhe 3 ndeshje të vështira. E rëndësishme është që kemi 5 pikë më shumë se vitin e kaluar. Ky është objektivi ynë, të bëjmë më shumë mirë se vjet dhe më pas të shohim, ndeshje pas ndeshjeje. Duhet të japim maksimumin deri në fund, sepse për disa kjo mund të jetë mundësia e fundit.

Titulli? Duhet ta tregojmë në fushë që e meritojmë. Kemi cilësi dhe duhet ti tregojmë në fushë në mënyrën më të mirë të mundshme. Ai që do të fitojë, ka bërë diçka më shumë. ne synojmë maksimumin dhe mendojmë për ndeshjen e radhës?, ka përfunduar Pioli.