web counter
LEXO PA REKLAMA!

SHKARKO APP

E fundit!

x

Bardhi kundër mbajtjes së Kuvendit të PD/ Gjen justifikimet

29 Prill 2022, 16:59, Politikë CNA

Deputeti i PD Gazment Bardhi ka dalë kundër mbajtjes së Kuvendit Kombëtar.

Në një postim në rrjetin social Facebook, ai shkruan se ky është një akt përçarë i ish kryeministrit Sali Berisha, ndërsa shton se ai do të ndërtojë një parti personale.

Mes justifikimeve, Bardhi thekson se Këshilli Kombëtar i PD është funksional, me një mandat që i përfundon në datën 17 korrik 2025.

?Nesër Sali Berisha ka lajmëruar një tjetër akt përçarës të Partisë Demokratike. Interesi i demokratëve është bashkimi dhe lufta e të gjithëve bashkë me Edi Ramën. Interesi i Sali Berishës është përçarja, zvogëlimi, lufta dhe armiqësia mes demokratëve dhe ndërtimi i një partie personale, që i shërben vetëm interesit të tij personal.

Në vijim të ndërtimit të një partie personale, nesër sipas tij radhën e ka Këshilli Kombëtar. Qartësisht ajo që po bën Sali Berisha nuk ka lidhje me Partinë Demokratike. Këshilli Kombëtar i PD është në detyrë, funksional, i regjistruar në gjykatë dhe me mandat që i përfundon më 17 Korrik 2025.

Ndërtimi i strukturave paralele nga baza në qëndër, nuk është asgjë tjetër, vetëm nje akt turpi për të dëmtuar PD, për të mbajtur gjallë ndasitë mes demokratëve dhe për të shfokusuar PD nga beteja me regjimin e Edi Ramës?, shkruan Bardhi./CNA.al





Lajmet e fundit nga