web counter
LEXO PA REKLAMA!

SHKARKO APP

App Store
Google Play

Aksidenti në Lanë/ Veliaj nga vendngjarja: Nuk ka të lënduar rëndë

29 Prill 2022, 19:34, Kronika CNA

Menjëherë pas raportimit për një aksident të ndodhur pranë Kinema Agimit, kryebashkiaku i Tiranës Erion Veliaj ka shkuar në vendngjarje.

Gjatë një prononcimi për mediat, Veliaj falenderoi policinë, ndërsa bëri të ditur se nuk ka persona të lënduar rëndë.

Sipas tij, të dy drejtuesit e mjeteve nuk kanë qenë përdorues të alkoolit në momentin e aksidentit.

“Asnjë njeri i dëmtuar rëndë, drama njerëzore përfundoi këtu, t’i lëmë punën policisë, të lëmë profesionistët e policisë dhe zjarrfikësit dhe inxhinierët që do të zhvendosen nga Lana. Për sa kohë jeta e njeriut është jashtë rrezikut, do i gjejmë një mënyrë me vinç ose jo për t’i nxjerrë nga Lana. Zoti na ndihmoi të mos kishim një tragjedi në Tiranë“, theksoi Veliaj.

Ndërkohë, kujtojmë se reth orës 20:10, në afërsi të Kinema Agimi, një urban i Unazës është përplasur me një automjet, dhe si pasojë drejtuesi i urbanit ka humbur kontrollin mbi drejtimin e tij, dhe ka rënë në Lumin Lana.

Urbani ka zënë poshtë automjetin, ndërsa mediat kanë raportuar për 6 persona të plagosur. Nga ana tjetër, blutë kanë konfirmuar vetëm dy të plagosur, të dy pasagjerë të mjetit që u përplas me urbanin e Unazës.

Sipas bluve, dy pasagjerët janë paraqitur në spital dhe ndodhen jashtë rrezikut për jetën./ CNA.al





Lajmet e fundit nga