web counter
LEXO PA REKLAMA!

SHKARKO APP

E fundit!

x

Denoncimi/ Punonjësit e inceneratorit të Fierit 4 muaj pa marrë pagat

28 Prill 2022, 14:23, Aktualitet CNA

Miliarda lekë të taksave të shqiptarëve janë dhënë për inceneratorin e Klodian Zotos në Fier, por ky impiant ende nuk ka filluar punën.

Por edhe pse jashtë funksionimit, në inceneratorin e Fierit janë punësuar një pjesë e vogël njerëzish, të cilët nuk janë paguar për 4 muaj me rradhë.

Ky denoncim është bërë nga deputeti demokrat Luan Baçi, i cili teksa nxjerr një video në Facebook, shkruan se punonjësi gënjehen çdo ditë paturpësisht.

?Vjedhja e shekullit, 430 milion ? të incineratorëve nuk ju mjaftojnë bandës së hajdutëve në pushtet!
Ata fusin duart edhe te xhepat e punonjësve të incineratorit të Fierit!
Kanë që nga Janari i këtij viti, pra 4 muaj pa marr pagën e tyre, megjithëse venë në punë çdo ditë!
Dhe çdo ditë i gënjejnë paturpesisht!
Ndiqni videon dhe prononcimet e punonjësve, meqënse nga foltoria e parlamentit e bënë të pa mundur trasmentimin e saj!?, shkruan Baçi.

Afera e inceneratorëve është cilësuar si ?vjedhja e shekullit? nga opozita, ndërsa për këtë ndodhen pas hekurave dy zyrtarë të lartë. Pak javë më parë me urdhër të SPAK u arrestua ish-deputeti socialist Alqi Bllako. Ky i fundit akuzohet për inceneratorin e Fierit./CNA.al





Lajmet e fundit nga