E fundit!

11:43 Aktualitet

Vrau me thikë fqinjin/ Gjykata e Durrësit cakton masën e sigurisë për 25-vjeçarin

Gjykata e Durrësit ka caktuar masën e sigurisë “arrest në ...

Redaksionale/ Si lexohet vendimi i gjykatës për PD-në dhe Alibeajn

23 Prill 2022, 10:43, Politikë CNA

Debatit të brendshëm të Partisë Demokratike, partisë së dytë opozitare në vend, iu shtua sot një njoftim nga Gjykata e rrethit Tiranë për pranimin e ankimit të deputetit Alibeaj.

Për shkak se Partia Demokratike është partia e dytë më e madhe në vend dhe e para opozitare, si e tillë përbën interes publik dhe është thelbi i funksionimit të demokracisë, morëm shkas të hedhim dritë mbi proceset gjyqësore.

Së pari Partia Demokratike gjatë vitit 2021 ka zhvilluar 3 ndryshime statutore përkatësisht në Korrik, 11 Dhjetor dhe 18 Dhjetor 2021 sipas forumeve përkatëse.

Ndryshimet statutore të Korrikut u depozituan për miratim në Nëntor 2021. Mbi këto u vendos me anë të vendimit të datës 18 Mars 2022 dhënë nga gjyqtare Blerina Mu?a. Ky vendim është ankimuar nga ish sekretari i përgjithshëm Gazment Bardhi dhe çështja pritet të shqyrtohet në gjykatë.

Shkak për ankimin ishte se asokohe, përpara miratimit të ndryshimeve, gjyqtarja Blerina Mu?a ktheu për plotësim të metash Kërkesën e PD-së për ndryshimet e Korrikut. Pas kësaj, në depozitimin e të metave, Alibeaj dërgoi për miratim edhe ndryshimet që tashmë kishin ndodhur në Forumin e organizuar në datën 18 Dhjetor. Këto ndryshime nuk u pranuan me të drejtë nga gjyqtarja Mu?a pasi forumi kishte ndodhur pasi çështja ishte depozituar në gjykatë.

Ndryshimet statutore të 11 Dhjetorit u depozituan në gjykatë nga Komisioni i Rithemelimit dhe u pranuan po me të drejtë nga Gjyqtari Agron Zhukri.

Ndryshimet statutore të 18 Dhjetorit nuk janë pranuar ende pasi ato u depozituan tek gjyqtarja Mu?a dhe presin shqyrtimin me anë të ankimit të parë të depozituar në Gjykatën e Apelit.

Ditën e sotme, sipas shortit elektronik, gjyqtarja Mu?a disponoi mbi ankimin që Alibeaj ka bërë ndaj vendimit të gjyqtarit Zhukri. Disponimi i ankimit është një mjet ligjor që verifikon elementët formalë të ankimimit si: gjeneralitetet e ankuesit, afatin e ankimit dhe nuk shqyrton thelbin e ankimit. Thelbin e ankimit e analizon, shqyrton e vendos Gjykata e shkallës më të lartë.

Ligji për partitë politike, parashikon se ndaj vendimit për ndryshimet apo mosndryshimet statutore, bëhet ankim në Gjykatën e Apelit dhe vendimi merr formë të prerë pas gjykimit në apel ose pas kalimit të afatit të ankimit.

Partitë politike janë organizime vullnetare sipas një ligji të posaçëm. Si të tilla, vendimet e organizimit të brendshëm marrin fuqi në ditën e miratimit të tyre në forumet përkatëse, por ndaj të tretëve, ligji parashikon që të regjistrohen në gjykatë. Thënë kjo, çdo jurist e kupton se ndryshimet e Korrikut kanë hyrë në fuqi në Korrik, ndryshimet e 11 Dhjetorit kanë hyrë në fuqi në 11 Dhjetor por ndaj të tretëve krijojnë pasoja në momentin e regjistrimit në gjykatë në regjistrin e OJF-ve.

Disponimi i sotëm dhënë nga gjyqtarja Mu?a është ligjor dhe i drejtë. Bazuar në regjistrin aktual (sipas të dhënave gjyqësore) gjeneraliteti i Alibeajt është momentalisht juridikisht i pranueshëm nga gjykata që të pranohet që ankimi i kryer nga Alibeaj të çohet për shqyrtim në Gjykatën e Apelit. Por bërë nga një person partiak që në vetvete nuk ka qëllim të luajë me gjykatën por të jetë i ndershëm me votuesit, kthehet në një kleçkë juridike që natyrshëm është e qartë se është një mjet abuziv me qëllim atakimin e organizimit të brendshëm.

Kjo çështje do të sqarohet në Gjykatën e Apelit dhe në pritje, Gjykata e Apelit do të duhet të vendosë për dy çështje:

1-Ankimin e Gazment Bardhit ndaj vendimit të Korrikut dhënë nga gjyqtarja Blerina Mu?a

2-Ankimin e Enkelejd Alibeajt ndaj vendimit të Agron Zhukrit për 11 Dhjetorin.

Në eventualitetin që Gjykata e Apelit, vendos pranimin e ankimit për çështjen e parë, pra ankimin pse gjyqtarja Mu?a nuk ka pranuar të depozitohen ndryshimet e 18 Dhjetorit, çështja do të duhet të kthehet në shkallë të parë sepse Gjykata e Apelit nuk ka tagër të vendosë depozitimin.

Ankimi i dytë (ndaj vendimit të Zhukrit) është shqyrtim formal dhe verifikim ligjor. Brendësia dhe themeli i vendimeve nuk mund të shqyrtohen nga Gjykatat pasi gjyqësori kontrollon ligjshmërinë formale të depozitimit të vendimeve.

Në këtë shqyrtim, Komisioni i Rithemelimit do të duhet të kërkojë nga Gjykata e Apelit edhe gjobën sipas nenit 34 të KPRC për deputetin Alibeaj për ankim abuziv./ CNA.al