web counter
LEXO PA REKLAMA!

SHKARKO APP

App Store
Google Play

Roberto Carlos tregon të ardhmen e Mbappe

22 Prill 2022, 15:45, Sport CNA

Kilië Mbape vazhdon të bëjë detyrat e tij në fushë duke shënuar rregullisht për Paris SG-në. Debati për të ardhmen e tij që po zgjat prej muajsh duket se pak e shqetëson francezin.

Por ndërsa Mbape vazhdon të bëjë protagonistin në fushë, jashtë saj po ndodhin nga të gjitha. Reali i Madridit dhe Paris SG-ja po luajnë kartat e tyre për të bindur sulmuesin, i pari për ta afruar, ndërsa e dyta për ta bindur të rinovojë.

Kontrata e sulmuesit 23-vjeçar përfundon në mbyllje të sezonit dhe e ardhmja e tij është lidhur ngushtë me një transferim të mundshëm te Reali i Madridit. Dhe marrëveshja duket fare pranë.

Të paktën kështu ka lënë të kuptohet legjenda e Realit të Madridit, Roberto Karlos. I ngacmuar nga tifozët e Madridit në lidhje me Mbapenë, Roberto Karlos ka thënë:

?Qëndroni të qetë, Mbape do të vijë në Madrid?.

Nga ana tjetër, klubi i tij Paris SG, po lëviz. Mediat franceze kanë raportuar dje se mamaja e lojtarit ka udhëtuar drejt Katarit për të biseduar me bosët e Paris SG-së në lidhje me një rinovim të mundshëm të kontratës së djalit të saj me klubin francez.

Përveç drejtuesve të klubit, edhe presidenti i Francës, Emanuel Makron, është përfshirë në përpjekjet e PSG-së për të rinovuar me Mbapenë.





Lajmet e fundit nga