web counter
LEXO PA REKLAMA!

SHKARKO APP

App Store
Google Play

Buzëqesh Gega/ Skënderbeu me grup të plotë ndaj Egniatias, rikthehet edhe Mensah

22 Prill 2022, 07:33, Sport CNA

Në ndeshjen më të rëndësishme të sezonit që do të përcaktojë në pjesën më të madhe të mundësive vijimin e garës për korçarët, Skënder Gega mund të mbështetet te një grup më i plotë për të përballuar këtë sfidë. Shpresat për një fitore janë të mëdha dhe për këtë arsye Gega është i gatshëm për të zgjedhur më të mirët në fushë ndaj kundërshtarit direkt, Egnatias.

Trajneri do të ketë edhe alternativa për zëvendësime, që në javët e fundit i kanë shkaktuar jo pak dhimbje koke. Nga porta do ta nisë Rexhepi, i cili është në 100% të mundësive dhe para tij do të luajë dyshja e qendrës e formuar nga Shehi dhe Sadriu. Për të kompletuar repartin difensiv do të mendojë kapiteni Zguro në të majtë dhe Frashëri në të djathtë.

Në mesin e fushës, Zhan Viktor dhe Moraesh, do të jenë dy ekranet që do të mendojnë për prishjen e aksioneve kundërshtare dhe ndërtimin e lojës së Skënderbeut. Mara pritet të jetë i vendosur disi më para dy brazilianëve, ndërsa në repartin e avancuar, Vrapi nga njëra anë dhe Berisha në anën tjetër, do të mbështesin Pusin në majë të sulmit. Lajm i mirë për Gegën është riaftësimi i plotë i sulmuesit Mensah, i cili do të jetë në dispozicion për këtë takim, por  nuk dihet nëse do të aktivizohet.





Lajmet e fundit nga