E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Imeraj ‘rrëzon’ denoncimin anonim të përdorur nga KP/ Bëhen nga njerëz që u janë cenuar interesat

20 Prill 2022, 18:13, Politikë CNA

Drejtuesja e Prokurorisë së Tiranës, Elizabeta Imeraj ka mbajtur fjalën përmbyllëse në seancën dëgjimore që u zhvillua në Kolegjin e Posaçëm të Apelimit.

Para trupës së Kolegjit të Posaçëm të Apelimit, Imeraj ka rrëzuar pretendimet e një denoncimi anonim të përdorur nga Komisioneri Publik.

Imeraj ka kërkuar nga KP që konform ligjit dhe kushtetutës të prezantojë prova konkrete, pasi këto pretendime nuk kanë një bazë në një akt ligjor të shkruar.

?Unë nuk jam dhe kurrësesi nuk mundet të jem prokurori apo individi që bën përgjime, apo shantazhe në kundërshtim me ligjin, sepse ky individi nuk jam une, nuk e kam menduar ndonjeherë dhe me duket absurde ta dëgjoj.

Ndaj më lejoni të tregoj veten time, punen time, dhe çdo gjë timen ashtu siç jam unë, më lejoni të paraqes provat për të konkluduar se une jam kështu, siç fëmijët më njohin, siç familjarët më njohin, siç kolegët ku punoj më njohin dhe siç komuniteti ku jetoj më njeh.

S?ka asnje lloj arsye që një anonim si Rrahim Shehu apo Valentino Ymeri, apo dhe shtetasja Eriona Fino të vlejë në rang të çmuarjes së provave më shumë se: ILDKPKI,DSIK, SHISH,KLP,Drejtoria e Pergjithshme e Policise se Shtetit,Komisariatet e Policisë Tiranë.Garda e Republikës, ASHK.

Burimi i provës për vërtetimin e faktit të pretenduar është denoncimi i paraqitur nga Rr.Sh., i depozituar pranë Komisionit Nga hetimi administrativ nuk rezultoi të administrohet asnjë fotografi, apo përgjim per ish vëzhguesin z. K., dhe as rezulton që subjekti i rivlerësimit të ketë njohuri në lidhje me to.

Pretendimet e bazuara në letrën e Rr.Sh., mbeten pretendime të shprehura nga ky i fundit pa asnjë të dhëne tjeter me vlerë provuese. Nga ana tjetër, bazuar ne dokumentacionin e administruar, nuk rezulton që z. K. ta ketë adresuar shqetësimin e tij gjatë qëndrimit në Shqipëri në asnjë nga agjencitë kompetente për ndjekjen e rastit, si ne polici apo prokurori, fakt ky i konfirmuar nga pergjigjet zyrtare dhe institucionale.

Persa i perket pretendimit qe lidhet me z. + është mëse e nevojshme të hetohet kush e ka përgjuar, a ka patur përgjim, dhe në çfarë rrethanash ka ndodhur. Edhe kjo situatë është kërkuar të hetohet nga ana ime në kallëzimin e paraqitur.

Ju bej me dije se në kallëzimin e paraqitur nga ana ime janë pretenduar hetimet e këtyre rrethanave:

Përgjimi i pretenduar i z. Kijstra dhe nëse ekziston, kush e ka bërë, dhe si,

Ndikimi tek zj. Çiftja dhe si është realizuar ai?

Verifikimi i denoncuesit Rrahim Shheu,

Verifikimi i portaleve që kanë shkruar duke pasqyruar lloj lloj të dhënash për komisonerë, vëzhgues apo dhe prokurore dhe gjyqtare, me konkretisht nga ana ime është kallëzuar portali infront. Org, dhe nga hetimet që janë zhvilluar është arritur të verifikohet dhe personi që e disponon këtë portal

Për sa më sipër, çdo veprim i bërë nga ana ime konsiston në një hetim të plotë të asaj çfara ka ndodhur me qëllim sqarimin e pozitës që padrejtësisht në bazë të një denoncimi anonim më lidh mua me situata të paqëna.”/CNA.al