E fundit!

17:29 Kosova & Bota

Hetimi zbulon dështimet e Britanisë gjatë pandemisë së Covid-19/ U shpërdoruan rreth 10 miliardë paund për pajisje mbrojtëse

Një hetim për menaxhimin e pandemisë Covid-19 në Mbretërin...

“Nga hapja e çerdheve, heqja e ushqimeve dhe lejet shpërblyese”/ Zbardhet vendimi i Qeverisë për personat e dënuar

17 Prill 2022, 10:11, Aktualitet CNA

Vendimi Nr. 209, datë 6.4.2022 për rregullone e brendshme në burgje i firmosur nga Kryeministri Edi Rama ka sjellë disa risi.

Rregullorja e re ka për objekt përcaktimin e rregullave për organizimin dhe funksionimin e sistemit të burgjeve, disiplinën e brendshme, trajtimin me dinjitet dhe respektimin e të drejtave themelore të të burgosurve, kushtet e jetesës në institucion, mjediset, normat e sjelljes së të burgosurve, me qëllim rehabilitimin dhe riintegrimin e tyre, si dhe çdo element që lidhet me ekzekutimin e vendimeve penale, sipas parashikimeve ligjore.

Sipas të nëjtës rregullore, është menduar edhe për hapjen e çerdheve për fëmijë tek burgu i grave.

?Për kujdesin dhe asistencën ndaj fëmijëve deri 3 (tre) vjeç institucioni përgatit çerdhe të posaçme. . Këto çerdhe duhet të jenë të pastra, të ajrosura, të ngrohta dhe me të gjitha kushtet normale të çerdheve që gjenden jashtë institucionit. . Përkujdesja ndaj fëmijëve në këto çerdhe bëhet nga personel i kualifikuar. Gjatë kohës që fëmija qëndron në çerdhe, nëna e tij vazhdon të zbatojë detyrat në përputhje me realizimin e planit individual të trajtimit. Në përputhje me interesin më të lartë të fëmijës, nëna e burgosur, në çdo kohë, shkëputet nga zbatimi i detyrave të planit individual të trajtimit dhe përkujdeset për fëmijën e saj së bashku me personelin e çerdhes apo të seksionit të veçantë ku ajo ndodhet?, thuhet në nenin 39 të vendimit Nr. 209, datë 6.4.2022.

Gjithashtu sipas vendimit të mësipërm,janë vendosur kufizime për ushqimet apo produktet që iu dërgohen të dënuarve nga familjarët.

Sipas neni 62, të burgosurit nuk i lejohet të marrë nga familjarët ushqime, pije, fruta apo ëmbëlsira.

? Të burgosurit i garantohet ushqim nga institucioni në 3 (tre) vakte, sipas orarit të veprimeve. Ushqimi, para se të shpërndahet, kontrollohet nga specialisti i informacionit dhe mjeku ose ndihmësmjeku. Procesi i shpërndarjes dhe kontrollit të ushqimit dokumentohet dhe kampionët e ushqimit ruhen. Shpërndarja e ushqimit në të tri vaktet bëhet nga kuzhinieri, i shoqëruar nga jo më pak se 2 (dy) punonjës të sigurisë. Shpërndarja e ushqimit bëhet me pajisje të institucionit. Pas konsumit të vaktit pajisjet merren nga kuzhinieri?, thuhet nenin 62 të rregullores.

Gjithashtu janë rikthyer edhe lejet shpërblyese për të dënuarit. Kriteret përcaktohen në nenin 105 të rregullores së përgjithshme për burgjet.

?Drejtori i institucionit me marrjen e kërkesës nga i burgosuri për leje të veçantë, brenda 24 (njëzet e katër) orësh nxjerr një urdhër me shkrim për fillimin e procedurave për dhënien e lejes së veçantë nga sektorët përgjegjës. Drejtori i institucionit pasi shqyrton kërkesën dhe raportin e përbashkët të sektorit ligjor, kujdesit social dhe të sigurisë, brenda ditës i kthen përgjigje të arsyetuar me shkrim të burgosurit lidhur me miratimin ose refuzimin e kërkesës.

Në rastin e miratimit të lejes së veçantë për personat e burgosur, drejtori i institucionit nxjerr urdhër me shkrim duke përcaktuar mënyrën, kushtet, mjetet e shoqërimit të të burgosurit me forcat e Policisë së Burgjeve dhe numrin e tyre. Leja e veçantë përmban dokumentacionin e mëposhtëm: kërkesën e të burgosurit; urdhrin e drejtorit të institucionit për fillimin e procedurave të shqyrtimit të kërkesës; kthim përgjigjen drejtuar të burgosurit; raportin e përbashkët të sektorëve; urdhrin për miratimin e lejes së veçantë?, thuhet në nenin 105./CNA.al