E fundit!

12:31 Politikë

Rama në Poloni: Rindërtimi i Ukrainës dhe integrimi i BP në BE, procese që përforcojnë njëri-tjetrin

Kryeministri Edi Rama ka mbajtur fjalën e tij në Konferenc...

“Borxhli Interit”, Rei Manaj surprizon me deklaratën pas ndeshjes

16 Prill 2022, 11:25, Sport CNA

Rei Manaj është përballur mbrëmjen e djeshme me të shkuarën e tij. Interi ishte skuadra që i siguroi debutimin në kampionatin italian sulmuesit të Kombëtares sonë qysh në moshën 17- vjeçare.

Në rolin e kundërshtarit me Specian e tij, ai nuk arriti t?u shënojë zikaltërve, për të cilët ama është shprehur se ka vetëm mirënjohje për mundësitë që i kanë dhënë, duke zbuluar edhe miqtë që ka lënë në Milano. Në deklaratën e tij, 25-vjeçari ka konfirmuar edhe një herë se qëllimi i tij i vetëm është të shpëtojë Specian nga rënia, pa lënë pa përmendur miqësinë me Ledian Memushajn, ish-mesfushorin e Kombëtares.

INTERI ? ?Kam debutuar në moshën 17-vjeçare me fanellën e Interit dhe ishte një nga kujtimet e mia më të bukura. Me Mançinin luajta 7 ose 8 ndeshje, ishte një moment shumë i rëndësishëm për mua, hera ime e parë në Serinë A. Ishte një ëndërr që kur isha fëmijë dhe ndjej vetëm mirënjohje për mundësitë që më janë dhënë.

Kam lënë shumë miq aty e në veçanti kam qenë i lidhur me Brozoviçin dhe Perisiçin. Kam qenë bashkë me Federiko Dimarkon te të rinjtë e Interit, kur kemi fituar trofeun e Kupës së Italisë ndaj Juventusit me golin tim, që mbetet akoma një nga më të bukurit, sepse erdhi pasi kisha dribluar 4-5 kundërshtarë. Kujtime fantastike?.

MARRËDHËNIA ME TIAGO MOTËN ? ?Nuk kam pasur kurrë probleme në marrëdhëniet me trajnerin, por e pranoj që në fillim jam munduar pasi m?u deshën një ose dy muaj për të kuptuar se çfarë priste nga unë. Në Spanjë luaja më afër zonës kundërshtare, nuk më duhej të kthehesha shumë, kurse këtu gjërat ishin ndryshe, por kuptova se duhet të përshtatesha. Grupi është më i rëndësishmi, vjen para individit.

Natyrisht askush nuk të jep asgjë, duhet të meritosh besimin në fushë, për të luajtur në nivele të larta të duhen sakrifica dhe angazhim në stërvitje. Qëllimi ynë i vetëm tani është që Specia të vazhdojë të qëndrojë në Serinë A dhe do të bëjmë ç?është e mundur për ta arritur këtë?.

PESKARA DHE MEMUSHAJ ? ?Rënia nga kategoria me Peskarën e Odos është një nga pengjet e mia më të mëdha. Aty kam pasur mundësinë të bashkohem edhe me Memushajn, një nga miqtë e mi që më ka ndihmuar shumë në rrugëtimin tim. Gjithmonë më ka dhënë këshilla për t?u përmirësuar dhe ka qenë ai që më ka shpjeguar si funksionojnë gjërat?.